تعلَّمِى طريقة إعداد سبرنج رول الجمبرى

يقدم الشيف أيمن العطار إلى مطبخ "بيت العز" طريقة عمل سبرنج رول الجمبرى بخطوات سهلة وبسيطة..
- مكونات الطبخة:
- نصف كيلو جمبرى وسط أو كبير مقَشّر ومنظّف وهنسيب الديل فقط.
- 1 لفة سبرنج رول حجم متوسط.
- نصف كوب عصير ليمون.
- 1 ملعقة كبيرة مسطردة.
- 2 ملعقة شبت مفروم ناعم جدًّا.
- ملح فلفل أسود.
- 1 ملعقة كمون + 1 ملعقة كزبرة ناشفة.
- 4 فصوص ثوم مفروم.
- 2 صفار بيض، وده عشان نقفل بيه الاسبرنج رول.
- زيت غزير وساخن للقلى.
-الطريقة:
بعد تجهيز الجمبرى، يتم مزج عصير الليمون والشبت المفروم والثوم والملح والكمون والفلفل الأسود والمسطردة ويتم إضافتها على الجمبرى ويترك نصف ساعة، يفرد ورق الاسبرنج سمبوكسة ونضع فى كل ورقة واحدة جمبرى مع التتبيلة ونلف ورق الاسبرنج كالمعتاد، بحيث أن يكون ذيل الجمبرى خارج ورق الاسبرنج لبيدى شكلًا جماليًّا ويوضع عليه صفار البيض ويوضع فى الثلاجة لمدة نصف ساعة ثم يُقلى فى زيت ساخن.