بالفيديو والصور.. الحلقة الكاملة.. باسم يوسف يسخر من انقطاع الكهرباء بتقديم "البرنامج" في الظلام.. ويقول: "الشاطر" صاحب التليفزيون.. وقنديل "ماسك الفيشة" ولـ«وزير الكهرباء»: كذاب في أصل وشك
بدأ الإعلامي الساخر باسم يوسف حلقة الليلة من برنامجه "البرنامج؟" والذي يقدمه على قناة "سي بي سي" في ظلام دامس إسقاطًا على حالات قطع الكهرباء المتكررة، وأوضح أنه سيستخدم في حلقة اليوم كشافات، وعند سؤال أحد مساعدينه عن الكشاف قال: الحجارة شكلها خلصت.. فرد يوسف قائلًا: "طب عضعض"، وتابع: "عندنا الكهرباء قاطعة بس جيبنا مولد لكن المشكلة إننا ملقيناش سولار علشان نشغله".
وقال الإعلامي الساخر: "إنه بمناسبة الانقطاع المتكرر للكهرباء هانتكلم عن الراجل اللى ماسك الفيشة"؛ واستعرض مجموعة من الصور فكانت صورة رجل الأعمال والقيادي بمكتب الإرشاد "خيرت الشاطر" أول الصور وعلق عليها يوسف قائلًا: "ده صاحب التليفزيون نفسه"، وعند عرض صورة المرشد الدكتور محمد بديع، قال يوسف: "لا ده اللى ماسك الريموت"، وعن صورة الرئيس الدكتور محمد مرسى قال يوسف: "ده بقى قاعد جنبنا بيتفرج"، وفي النهاية استعرض صورة الدكتور هشام قنديل رئيس الوزراء المصرى وقال عنها: "هوا ده اللى ماسك الفيشة"، وأضاف أن الدكتور هشام قنديل يبقى حتى الساعة الحادية عشر مساءً في العمل وهذا من أسباب اختياره رئيسًا للوزراء، وعقب ساخرا: "كنا جيبنا الراجل اللى شغال في المحلات اللي بتفتح 24 ساعة أهو بيشتغل أكتر".
وانتقد يوسف، وزير السياحة قائلًا: "والله مفيش سياحة"، وقال لـوزير الكهرباء "كذاب في أصل وشك.. مفيش كهرباء"، ولم يسلم وزير المالية أيضًا من سخريته: "والله مفيش مالية خالص"، وعرض مجموعة من الصور السوداء، وسأل الجمهور عن الوزير الموجود في الصورة، وعلق على الصورة السوداء الأولى: ده وزير الكهرباء، والصورة السوداء الثانية: وزير المالية بس قاعد مع وزير الكهرباء.
وقدم في حلقة اليوم الجمعة من "البرنامج" إعلانا بعنوان "كيف تصبح وزيرًا" جاء فيه: "هل حلمت يومًا أن تصبح وزيرًا، هل لديك المواصفات المطلوبة، حان الوقت لتحقق حلمك.. طظ في الكفاءة، مش مهم الخبرة.. المهم تطلع الإخوانى اللى جواك.. "وزير فاكتور" – لا يقارن"، وعقب قائلًا: "في واحد كسب في برنامج إخوان أيدول السنة اللى فاتت وبقى رئيس جمهورية – في إشارة للرئيس مرسى، وحبيب الملايين اللى عارف مكان كل حاجة فين – وهوا المفضل بالنسبة إلىّ في إشارة لـصلاح عبد المقصود وزير الإعلام".
وعرض أيضًا فيديو للحملة الانتخابية للرئيس مرسي يظهر فيها وزير الإعلام يرقص فرحًا وعقب قائلا: "كل مؤهلات الوزراء وحاشية الريس إنهم كانوا في حملة الرئيس"، وأضاف: "عصام العريان ده سهن يا جدع – بيقول على الوزير هوا إخوان بس مش حرية وعدالة"، وتعقيبًا على حديث الداعية السلفي فوزي السعيد الذي قال: سويسرا والألمان بيحسدونا على وزير التموين ونفسهم يبقوا عندهم وزير زيه.. قال يوسف: منفسهمش في حد تاني عاوزين ياخدوه في إشارة لرئيس الجمهورية.
وفى الإطار ذاته قدمت فرقة عمل برنامج "البرنامج" أغنية "عيش إخوان" أهم ما جاء في كلماتها: "إيه يعنى لما تبقى راجل بوشين.. لو ناس كتير حوليك بتلعن فيك.. حط الشعب في أوضة واقفلها بترباس.. اتأخون تطلع وزير.. عيش إخوان.. انزل وزع على الناس سكر وزيت علق بوستر على الحيط روح اتصور في الغيط.. عيش في الدنيا زي الإخوان اللى جواك.. اقفل شباكك واسمع إخوانك افرس ف الشعب وغيظه وطلع لسانك"، وعقب يوسف قائلا: "لو جنان إنك تضحك على الناس علشان تاخد منصب عمرك محلمت بيه يبقى اتجنن".
ثم شرع الإعلامى الساخر في التوقيع على استمارة تمرد على الهواء ثم أوقفه خبر لتحويل الإعلاميين لنيابة أمن الدولة بسبب حلقات قدموها عن حملة تمرد، ثم عاد مرة أخرى للشروع في التوقيع على الاستمارة ولكن تلك المرة انقطعت الكهرباء عن البرنامج، فقال ساخرًا.. "علشان كدة بتقطعوا علينا الكهرباء يا ولاد الإيه!!".
وفى السياق ذاته قام يوسف بتوزيع عدد من استمارات "تمرد" التي تطالب بسحب الثقة من الرئيس محمد مرسي على الحاضرين في الحلقة، وتابع: "أنا أدعو نيابة أمن الدولة إنها لو عاوزه تقبض على حد أهو تيجى للقبض على الجمهور كلهم معاهم استمارات تمرد".
وفى الفقرة الأخيرة من حلقة برنامجه استضاف فرقة "نغم مصرى" التي ألقت العديد من الأغانى وعلى رأسها.. "أنا روحت القلعة" و"عيطى يا بهية" و"هنغنى".
