فتح الله الطويل يكتب: شيلي وشاح الحزن
شيلي وشاح الحزن من على كتف ليلك
شدي الستارة دي الإشارة شعاع ونور
اوعي يا غالية تكشري وتتأثري
قاومي يا أمي المحنة.. يلا وشدي حيلك
* * *
يا مؤمنة ياما عليكي على اختلاف الأزمنة
مرت خطوب وف كل مرة بتنهضي
وتعوضي كل اللي شفتي من عذاب
ده انتي في كتاب الله في آيات متأمنة
* * *
البأس بأسك وبإيديكي تحطي خط
بين اللي فات والجاي، مفيش أبدا محال
بس السؤال في قلوبنا امتى هاتبدأي
وتصدقي نفسك يا صابرة وتعبري لوصول لشط