أسامة منير: سماعي للمشكلات العاطفية دخلني في حالة نفسية

قال الإعلامي أسامة منير، إن زيادة نسبة الطلاق سببه الإيقاع الأسرع لدخول في علاقة الزوجية والخروج منها، مضيفًا: "كل حاجة بقت أسرع ومبقاش فيه مجال للتفكير".

وتابع: "كتر الاستماع للمشكلات العاطفية دخلني في حالة نفسية.. وبقيت بحاول أعمل أي حاجة تخرجني من الحالة دي.. وعندنا حاليا مشكلة في القيم والأخلاق وأن واحدة تفرط في نفسها يبقى خطأ كبير.. لكن المحترمة بتكسب كل حاجة".

وأضاف خلال حديثه لبرنامج "الستات مايعرفوش يكدبوا"، المذاع على قناة "سي بي سي": "لازم الزوج يسيب مساحة لزوجته علشان يوحشوا بعض.. مفيش مانع يسيبها تخرج مع صحابها علشان تبعد عن الملل.. وعلشان تحافظي على علاقتك الزوجية: "حاولي تتجملي دايما وتحافظي على مساحة بينك وبين جوزك".

وأشار إلى أن الحب مِن طرف واحد غالبًا ما يكون حالة هوس وليس حبًا حقيقيًا، معقبًا: "كل واحد بيحط التاني في برج عال ولو كل واحد عرف الطرف التاني كويس هيلاقي أنه مايستاهلش الحب ده".