أحمد الشيخ يكتب : من ورا قلبى

يوماتى ابات بدور
في شوكى ميلقانيش ورود
ولا يجاوب سؤالى ردوود
مين سرق ضحكتك ياليل
والنغمة م المواويل
قلبت غناها عويل
غاب فرح الليالى وتاه
(2)
بقى كل له مش فارق
وعادى نتفارق
مين غاب ولا مين ساب
بطلنا نتعلق بطلنا نتشوق
لطلة ورد وسط الشوك
لطلة نور من العتمه
بطلنا نطلب الرحمة
مبنقولش الا ياحول الله
(3)
بطلنا نتألم من بكرة هنتعلم
ندارى الوشوش بالغش
واللعب ع المكشوف
الصدق والطيبة
والخيبة بالويبة
والهدر كله فشوش
الحلم شيء م العبث
ضرب من الخيال نلقاه
(4)
فوقوا واصحوا للمصالح
متسامحش.. ربك وحده المسامح
لو هتلعبوا الخسارة عيب ياسادة
مش بالعمقنة وفيروز وقهوتك سادة
امسحوا وش كائن الكيوت بزيادة
حاولوا تقسوا حاولوا تنسوا
كل وعد اتوعد منكم إمبارح
اتغيروا يمكن تكسبوا جولة يا ولداه