جنسية إيه اللي للبيع يا أستاذ أنت ؟!
قال: شفت؟ آدي آخرتها.. حتى الجنسية للبيع.. شرف مصر للبيع يا أستاذ أحمد.. فاضل إيه تاني.. ها.. فاضل إيه تاني ؟!
قلت: ممكن أسألك سؤال ؟
قال: يعني جات على دي.. اتفضل يا باشا !
قلت: مش أنت برضه اللي قلت قبل كده إن أرض سيناء بقت متاحة لتملك الأجانب لها ؟
قال: وإيه علاقة ده بده.. متغيرش الموضوع..
قلت: معلش.. رد لو سمحت لإني متعهد بالرد عليك إلى النهاية
قال: أيوه.. قلت.. وكنت فاهم غلط..
قلت: كنت فاهم غلط وثبت إن كلامك غير صحيح.. وإن الأوراق التي كانت مطلوبة للمصريين من أهالي سيناء فقط.
قال: أيوه.. لكن خلينا في الجنسية.
قلت: حاضر هخليني.. لكن.. مش أنت برضه اللي قلت إن مصر وافقت على صفقة القرن وإننا هنبادل أراضينا بأراضي أخرى ؟.
قال: وهو أنا بس.. كله كان بيقول..
قلت: يعني بتقول زي الناس.. معاهم معاهم عليهم عليهم.. مافيش مرة فكرت تتعب نفسك وتقرأ بنفسك..
قال: ( مقاطعا ومنفعلا ) أقرأ إيه وفين يا سيادتك؟ هو إحنا فاهمين أي حاجة من اللي بيحصل أو بيتنشر؟
قلت : خلاص.. طالما بتعترف للمرة الثانية إذن اتعلم تتغير.. أو تسكت لحد ما تصلك المعلومة الصحيحة وتفهم.. وهسألك سؤال: لو في أوراق كانت مجانا وأصبحت تستخرج برسوم الآن.. شهادات الميلاد مثلا.. هل عندما نقول إنه "يمكن استخراج شهادات الميلاد مقابل خمسة جنيهات" إن أي حد موجود على أرض مصر يمكنه أن يحصل عليها إذا دفع ؟
قال: لا طبعا.. لازم يكون مصري
قلت: وإن كانت الجنسية تمنح بلا مقابل.. وبلا ودائع.. هل عندما نضع شروطا جديدة وأن من يريد الحصول على الجنسية المصرية سيمر بكل الإجراءات التي كانت موجودة كما هي.. بالإضافة للوديعة.. هل هذا يعني أن كل من سيدفع سيحصل عليها ؟
قال: ( بعد تردد وشرود ) لا بس هما ما قالوش كده!
قلت: هما مين ؟!
قال: كل الناس
قلت: وأنا مالي.. أنا بكلمك بالمنطق.. مصر لم تحول الأمر إلى تجارة ومصر ليست "سوبر ماركت" شروط الجنسية الأمنية كما هي.. وما أدراك ما الشروط الأمنية.. هل يمكن الدفع والحصول على الجنسية في اليوم التالي أو بعد أسبوع أو حتى بعد شهر ؟ لا.. لن يحدث.. إنما سنوات وسنوات.. وتعريف القانون للمقيمين طويل وهم أربعة أنواع وموجودون في قوانين سابقة منها قانون من سنة 52 وآخر لسنة 60 وآخر في الثمانينيات وآخر في 2005 !
قال: يعني إيه ؟
قلت: يعني مصر اللي رحل مخرج كبير عاش على أرضها عمره كله اسمه "محمد خان" على أمل الحصول على الجنسية ومصر التي حصل أبناء المصرية المتزوجة من أجنبي.. وحتى العربي إلا بعد سنوات طويلة وإجراءات أطول لا يمكن أن تفرط في الانتماء إليها هكذا احنا هنهزر يا أستاذ انت؟ انت تعطي أذنيك لإعلام الشر.. ولذلك تقف أمامي كل مرة هكذا.. زي اللي عامل عملة.. وفي انتظارك في فهم خاطئ جديد.. لأن ليس العيب فقط فيمن يروج الإشاعات.. إنما فيمن يستسهل ويصدقها!
