تامر حسني يكشف عن تفاصيل ألبومه الجديد
كشف تامر حسني عن أسباب غيابه خلال الفترة الماضية وتفاصيل ألبومه الجديد، وذلك عبر صفحته الشخصية على موقع التواصل الاجتماعي "فيس بوك".
وكتب تامر: «نهاركم جميل إن شاء الله، سألتوا كتير عن ألبومي الجديد وقولتلكم إن غيابي ده عشان أعمل أفكار جديدة تليق بجمهور عظيم زيكم وتليق بمشواري وبمكانتي كمطرب مصري عربي».
وأضاف «الألبوم ده أخد مجهود كبير من سنتين لحد النهارده وأنا كل يوم بشتغل على تطويره وإصداره بشكل مش تقليدي وخارج الصندوق المعتاد.. الألبوم ده انا بعتبره محطة جديدة ليا في حياتي من حيث الفكر والموسيقى والجودة وأنتو أكيد هتلاحظوا ده الفترة الجاية.. المهم بدأ خلاص العد التنازلي لإصدار الألبوم وكل يوم هيكون في جديد بتعرفوه لحد ما يطلع للنور إن شاء الله».
وتابع تامر حسني: «ألبومي القادم اسمه (عيش بشوقك) كلمات: مصطفى حسن ألحان: بلال سرور توزيع: بلال سرور وهاني محروس، وهي أغنية مبهجة غير تقليدية تمامًا وفيها حالة يمكن بتمس معظمنا..الأغنية من إخراج المخرج الكبير هادي الباجوري».
وأكد: «بكره أن شاء الله هينزل أول ميكينج أوف لأغنية (وأنت معايا) اللي بتجمعني بأستاذي النجم الجزائري الكبير الشاب خالد وهتشوفوا كواليس الأغنية وكل مراحلها الكليب للمخرج اللبناني الكبير سعيد الماروق».
