أبو بثينة يكتب: ساعتها العيد يحلو
في مجلة "المصور" عام 1953، كتب الزجال محمد عبد المنعم الشهير بــ"أبو بثينة" قصيدة زجلية بمناسبة أول عيد فطر يجئ بعد قيام ثورة يوليو 1952 بالقضاء على الملكية وقيام الجمهورية، قال فيها:
آدى أول عيد يجينا... ونشعر فيه بحلاوة العيد
والناس فيها بتهنينا... بعصر سعادة وعهد جديد
ولاكرباج يهوى علينا...بشدة ولا إحنا دلوقت عبيد
ولا فيش محطوط في أيدينا... ولا في رجلينا كلبش حديد
آدى أول عيد نتنفس فيه... ونهيص ونفوق ونروق
ونعيش في الجو الحلو... وأحس بإنى مانيش مخنوق
حاسين بكرامة وعزة نفس... وجو ماهوش موبوء
لافى رشوة ولا استكراد وفساد... ولا هم يا عم فاروق
حانعيد ولا فيش مانع...لو يتغير بكرة الحال
ساعة ما نجيب يدعينا...علشان مانخلص الاستقلال
ونؤدى ضريبة الدم...ونجعل أرض الدنيا قنال
وساعتها العيد يحلو...ويبفى الجو جمال في جمال.
