#ليه_بنحب_صلاح.. النشطاء يعددون أسباب عشقهم لـ«ملك إنجلترا».. أحمد: جمّع المصريين على احترامه.. محمد: صاحب السعادة.. مريم: رفع رأسنا.. بدر: بنتنشق على حاجة ناجحة.. دينا: عمل اللي كان نفسي أع
أطلق نشطاء مواقع التواصل الاجتماعي "فيس بوك وتويتر" تظاهرة حب، للاعب المنتخب ونجم ليفربول محمد صلاح Mohamed Salah من خلال هاشتاج "#ليه_بنحب_صلاح"، موضحين الأسباب التي دفعتهم لحب محمد صلاح Mohamed Salah.
وجاءت أبرز أسباب عاصفة حب الجماهير لصلاح، نجاحاته في الدوري الأوروبي، متفوقا على دولة متقدمة فنيا في اللعبة، وكان سبب السعادة في مصر، ليؤكد البعض أن أخلاق صلاح، وحبهم لأبو تريكة سبب أساسي لحب صلاح.
أبو تريكة
قال أحمد أبو خطوة: "#ليه_بنحب_صلاح حاجة اتجمع المصريين على حبها واحترامها، ومن الصعب تلاقي حد يتجمع عليه المصريون كده، ربنا يحفظه".
وأضاف محمد حسين: "#ليه_بنحب_صلاح لأن هو صاحب السعادة #ادعم_محمد_صلاح"
فيما علقت مريم "#ليه_بنحب_صلاح، رفع رأسنا، وحقق نجاحا من غير أهلي وزمالك، ربنا معاه، ونتمنى يبقى في أحسن نادي ويجب جون في كاس العالم، فيما رد خالد المهاجر "#ليه_بنحب_صلاح عشان بنحب أبو تريكة"، وقال بدر القاضي:" #ليه_بنحب_صلاح علشان بنتنشق على حاجه ناجحة في البلد، وتابعت دينا "#ليه_بنحب_صلاح عشان عمل اللي كان نفسي أعمله بس بشكل مختلف.
متعة وأخلاق
وقالت ندى الغريب "#ليه_بنحب_صلاح: عشان الفرجة عليه متعة، عشان خلوق ومهذب ومحترم، عشان الابتسامة اللي منورة وجهه".
وأضاف عبد الله ناجي: "بحب صلاح عشان بيحب أبو تريكة، بيحب صلاح، عشان واخد أبو تريكة قدوة في الملاعب، بحب صلاح عشان بيستشير أبو تريكة في مشواره الكروي، بحب صلاح عشان أبو تريكة بيحبه، باختصار شديد: حبي وعشقي لأبو تريكة هو حلقة وصل بيني وبين حبي لصلاح.
وعلقت يارا يارا سندريلا: "#ليه_بنحب_صلاح، عشان رجل السعادة في بلدي ولكل مشجعينه في أنحاء العالم"، ورد عبد العزيز محمد "#ليه_بنحب_صلاح، عشان كسر هيبة أوروبا، ومع كل جول بيجيبه بيحسسنا إن إحنا اللي بنلعب وبنهدف يعني بمعنى أصح كل واحد فينا شايف نفسه في محمد صلاح وإن صلاح عمل اللي كان نفسنا نعمله".
وتابع طارق الحمد لله "#ليه_بنحب_صلاح ليه، لأنه الحاجة الوحيدة المفرحة في البلد دي"
مثل أعلى للشباب
وقال أحمد "عشان صنع البهجة لشعب، وأضاف أحمد نجم "#ليه_بنحب_صلاح، لأن مهما وصل لمكانة، متواضع خلوق مجتهد طموح مثال يحتذى بيه مثل أعلى للشباب"
وعلق رءوف ابن النادي الأهلي: "أبو تريكة طفشتوه وقولتوا عليه إرهابي ومفيش دليل ضده، صلاح عملتوا معاه مشكله وهو داخل على مباراة كبيرة وشتتوا تركيزه، مضيفا: إحنا ليه بنحارب الناس المحترمة إللي فرحت مصر ومازلت بتفرح مصر في وجود صلاح انضف ناس في البلد دي #أبوتريكة #ليه_بنحب_صلاح".
ورد أحمد يوسف: "#ليه_بنحب_صلاح، لحاجتين الأولى، أنا اسمه محمد وبنته مكة وده مش حاجة رسالة ويبين أنه بسبب اسمه واسم بنته كتير هدخل كتير الإسلام اسم بلد الحبيب واسمه الحبيب الحاجة التانية أنه أبو تريكة وصاه علينا، وعلى بلدنا حاجة مش سهلة وأنه لا أهلاوي ولا زملكاوي علشان نعمل مشكلات عليه شكرا صلاح".
وتابع محمد صلاح: "إنسان ناجح وصورة مشرفة للمصريين #ليه_بنحب_صلاح".
