ساويرس: فخور أني مصري صعيدي من سوهاج
أكد المهندس نجيب ساويرس، رجل الأعمال، مؤسس حزب المصريين الأحرار، أنه يفتخر أنه مصري صعيدي من محافظة سوهاج، مضيفا أنه يحب البقاء في مصر.
وجاء ذلك ردًا على أحد متابعيه الذي وجه له سؤالًا عن المكان الذي يحب أن يكون فيه بعد 5 سنوات.
وكان أحد متابعي المهندس نجيب ساويرس كتب تغريدة قال فيها: "أنا بحبك جدا وبموت في ضحكتك، ومن تواضع لله رفعه، وربنا يزيدك كمان وكمان من نِعمه لأن حضرتك متواضع جدا، ونجيب ساويرس واحد بس، ويكفينا فخرا وشرفا بنجيب ساويرس أنه مصري"، وما كان من نجيب ساويرس إلا أن رد قائلًا: "وأنا فخور أني مصري صعيدي من سوهاج".
وعندما سأله أحد متابعيه: "نفسك تبقى فين كمان ٥ سنين؟"، فرد نجيب ساويرس: "في مكاني في مصر وبصحتي وبمحبة الناس ورضا الوالدين وربنا".
وعندما طلب أحدهم من ساويرس أن يهدم عمارة العائلة بسوهاج قائلا: "عمارتكم اللي عالكورنيش في سوهاج هدها واعملها برج يمكن المحافظ يرضا علينا ويخلصلنا تجديد شارع الكورنيش اللي ليه سنين"، رد ساويرس قائلا: "عمري ما ها اهدها دي بناها جدي اللي انا متسمي على اسمه نجيب ساويرس".
