"مين اللى سمم طلاب الأزهر؟".. هاشتاج لفضح حادث تسمم الأزهر.. نورهان: مرسى السبب.. عبدالراضى: "الإخوان المش مسلمين" للسيطرة على الأزهر.. "twitt-ya3am": الإخوان أهل الفتن والمؤامرات
أثار تسمم طلاب الأزهر للمرة الثانية، ردود أفعال غاضبة من النشطاء بسبب تكرار الحادث وساخرة في نفس الوقت مما وصفوه بنجاح شيخ الأزهر في رحلته للإمارات والإفراج عن المصريين المعتقلين هناك، في حين فشلت الرئاسة والإخوان في الإفراج عن معتقليهم بالإمارات.
وقد دشن النشطاء عبر موقع التواصل الاجتماعى "تويتر"، (هاشتاج) بعنوان "مين اللي سمم طلاب الأزهر"، للوقوف على السبب الحقيقى وراء ذلك التسمم وتحديدًا في هذا التوقيت.
قال أحمد محمد: "مين اللي سمم طلاب الأزهر الصهاينة"، فى حين ذكر "hoba95: "مين اللي سمم طلاب الأزهر الإهمال في معرفة صلاحية الأكل".
وأوضح محمد عادلي: "مين اللي سمم طلاب الأزهر اللي وقف تفجير خط الغاز لما مرسي مسك هو هو اللي هايوقف تسمم الطلاب بعد ما يشيل شيخ الأزهر".
وأكدت نورهان قدري: "مين اللي سمم طلاب الأزهر اسمه كان مرسي قعد ع الكرسي وجابلنا مشروع نهضة جبار وفِ الآخر طلع خيار".
وأشار أحمد عبدالراضي، إلى "مين اللي سمم طلاب الأزهر جماعة الإخوان المش مسلمين هيعملوا أي حاجة عشان يسيطرواعلى الأزهر وطبعا وأن الشيخ الطيب يمشي ده أسمى أمانيهم".
بينما أضاف أحمد المهدي: "مين اللي سمم طلاب الأزهر رئيس جامعة الأزهر يتمسك بمنصبه ويلجأ للقضاء".
وشدد "ALkayser": "مين اللي سمم طلاب الأزهر اللى قتلوا شبابنا اللى بيكمموا الأفواه اللى خطفوا البلد اللى عمل دستور يا أسيادنا اللى زوروا الانتخابات..تجار الدين".
وقال "fares32 ": "مين اللي سمم طلاب الأزهر.. اللي محروق من شيخ الأزهر عشان استقباله في الإمارات.. لؤم .لا إبداع فيه".
وذكر " twitt-ya3am ": مين اللي سمم طلاب الأزهر...ال مسممين مصر كلها من يوم ما ربنا ابتلانا بيهم..أهل الفتن والمؤامرات المعروفين إعلاميا بالإخوان".
بدوره أوضح "Moh_Tanawy ": "المرشد: ها اتسمموا؟ اه فضيلتك .. طب اطلعوا مظاهرات وحاولوا تشيلو الطيب .. ما اتشالش؟ طب الأسبوع الجاي كرروها مين اللي سمم طلاب الأزهر".
وذهب " kazamodia": "مين اللي سمم طلاب الأزهر النهارده الصبح رئيس الجامعة رفض الاستقالة وهدد باللجوء للقضاء والنهارده بالليل تسمم الطلاب للمرة التانية! واضحة أوي".
فى حين كتب محمد حمدي: "مين اللي سمم طلاب الأزهر ممكن تكون ردا علي زيارة الطيب للإمارات والجائزة اللي استلمها والإفراج ع أكثر من100مسجون مصري تحية للطيب".
أما "Marosa "، فعلق قائلًا: "مين اللي سمم طلاب الأزهر هما مقهورين علشان المصرين خرجوا والإخوان محبوسين هناك في الإمارات بعد زيارة شيخ الأزهر".
وقال وجيه: "مين اللي سمم طلاب الأزهر.. الموضوع كيدي .. من ناس نفسها تستولي على الأزهر وكل المؤسسات المستقلة فى البلد لأول مرة فى تاريخ الأزهر حالتين فى تسمم في شهر يبقى لازم تعرف".
وكتبت غادة طارق: "مين اللي سمم طلاب الأزهر اللي سممهم هو اللي لقى عنده قصر ديل بعدما الإمارات خرجت معتقلين مصريين من عندها".
وأكد أحمد أشرف قاسم: "مين اللي سمم طلاب الأزهر تسمم تاني.. طب جددوا شوية _ إيه مش حافظين غيرها؟".
ولفتت سو عطية، إلى: "مين اللي سمم طلاب الأزهر الطماعين اللي مافي شي يشبعهم ولا يملأ عنيهم".
فى الوقت نفسه، دون أحمد ندي: "مين اللي سمم طلاب الأزهر حد ليه فائدة في اللي بيحصل غير الإخوان".
من جانبه، قال سالم: "هى التونة أصلها كائن سوو مين اللي سمم طلاب الأزهر".
وأشارت "heckidodo": "مش هيهمدوا إﻻ لما الطيب يمشى مين اللي سمم طلاب الأزهر" .
وقال باسم مؤمن: "فكك من الكلام ده كلو أكيد الطرف التالت السبب وأكيد فيه أصابع بتلعب فلموضوع ده مين اللي سمم طلاب الأزهر".
وأوضح مجدي شوشة: "مين اللي سمم طلاب الأزهر عصابة تريد شيخ جديد على الدين الجديد".
