انفراد بالمستندات.. تسجيلات هواتف متهمي رشوة «مصلحة المصوغات»
فرغت النيابة العامة الأحراز التي ضبطتها هيئة الرقابة الإدارية في واقعة ضبط "عاطف.ك"، رئيس قسم التوقيع بمصلحة دمغ المصوغات والموازين في حارة اليهود بالجمالية، و6 آخرين على خلفية اتهامهم بتلقي رشوة مقابل تسهيل إجراءات دمغ المصوغات مصنعه واستغلال النفوذ لدى اللجنة الفنية لفحص الأحراز.
وجاء الحرز رقم 2 عبارة عن مظروف بني اللون متوسط الحجم بداخله أسطوانة مدمجة مسجل عليها المحادثات الهاتفية الواردة عبر هواتف المتهمين.
وجاء في تفريغ الهواتف المحمولة التي تنفرد فيتو بنشر النص الكامل لها، أنه بتفريغ الهاتف المحمول الخاص بالمتهم ميشيل.ز، تبين أنه بتاريخ 25 سبتمبر الماضي، وردت محادثة هاتفية بين كل من المتهم وأحد الأشخاص دار بينهما حوار، حيث استفسر الثاني قائلا "ايه مفيش أي جديد؟" مش هروح دلوقتى ولا لسه شوية؟"، فأجاب ميشيل قائلا " قلت له هخليه يروح على الإثنين"، فقال محدثه " محدش قالي حاجة أصلا " فرد ميشيل محدش هيقولك.. أنا كده كده كنت هتصل بيك بس لما يقرب الميعاد، روح الأحد، لو مش فاضي الأحد روح الإثنين، هو باسم مين؟" فاجاب الآخر "باسمي أنا.. أحمد إسماعيل" فرد ميشيل: طيب ماشي.. إيه ده وإيه ده.. قل له معرفش ده العيال كانوا مسوقينهم.. واخد بالك.. طيب دول مكنوش مدموغين يعني.. قل له مش عارف هما كانوا مسوقينهم على كده.. بس كده ده الكلام" فتساءل محدثه قائلا " لمين؟" عند مين؟ فأجاب ميشيل روح للمكتب عادي.. بتسال على حاجتك طبيعي.
في تاريخ 7 أكتوبر الماضي وردت محادثة هاتفية بين كل من ميشيل.ز، واحد الأشخاص دار بينهما حوار، حيث قال الثاني" أنا هاروح بكرة عشان عندي مشوار الصبح يوم الإثنين، فرد ميشيل طيب ماشي.. أي سؤال هما مكنوش مدموغين قل له أنا معرفش ده الصبيان عندي مسوقين.. انت بتسوق لهم يعني" فتساءل الآخر قائلا" في التفتيش فوق؟" فأجاب ميشيل أه قوله أنا عايز أسأل على الحرز ده وخلاص".
وفي تاريخ 11 أكتوبر الماضي وردت محادثة هاتفية بين كلا من ميشيل.ز وأحد الأشخاص دار بينهما حوار: قال لمحدثه " يا خواجة.. أنا رحت الصبح النهاردة أخدت الحاجة متشكرين يا خواجة ألف شكر.. هبقى أجيلك أنا بقى.
كما استمعت النيابة لتسجيلات مكالمات الهاتف الخاص بالمتهم مينا. ك وتبين أنه بتاريخ 11 أكتوبر الماضي وردت محادثة هاتفية بين كلا من المتهم واحد الأشخاص ناداه عم أحمد، حيث قال " العلبة السلاسل بتاعت امبارح كنت أنا فوق عشانها.. عاطف بعتلي عايز سلسلة..الريس..الدمغة فوق..عايز سلسلة..هو بعتلي وأنا طلعتله قالي ده شغل بينا "، قلتله اه قالي طيب قل له عاطف عايز سلسلة " فتساءل مينا قائلا "عم عاطف اللى عايزها؟ صح؟، فرد الآخر اه اه..قل له عشان هياخدها منك وقتي، فقال له مينا " حاضر هبلغه وأقوله عم عاطف عايز سلسلة " فقال له محدثه اه اه..قل له بتاع الدمغة الريس فوق.
كما استمعت النيابة لتسجيلات الهاتف المحمول الخاص بالمتهم عاطف. ك، وتبين أنه بتاريخ 27 سبتمبر الماضي، وردت محادثة هاتفية بين كل من المتهم ونعيم، قال نعيم محاولا تشفير المحادثة: استاذنك في 6 علب خواتم دخلوا، وعلب حلقان وعلبتين اساور عجلة، فرد عاطف " طيب ماشى يا حبيبى"، فقاطعه نعيم قائلا " استاذنك لو جت النهاردة يعنى"، فرد عاطف هتعرف تصفى الدنيا النهاردة؟، فاجاب نعيم " خليها من يوم الأحد يبقى من آخر الشهر بالمرة "، فقال له عاطف " لا مش هينفع، فقال له نعيم "النهاردة طيب أشوفلك أي حاجة " فقال له عاطف"هاتلى الفيلم معاك ونصفى بعد كده، علشان أنا جاي مشطب.
كانت النيابة العامة، بإشراف المستشار نبيل صادق، النائب العام، أمرت بحبس "عاطف.ك"، رئيس قسم التوقيع بمصلحة دمغ المصوغات والموازين في حارة اليهود بالجمالية، و6 آخرين على خلفية اتهامهم بتلقى رشوة مقابل تسهيل إجراءات دمغ مصوغات مصنعه واستغلال النفوذ، 15 يوما على ذمة التحقيقات.
والمتهمون في القضية المقيدة برقم 2272 لسنة 2017 غرب القاهرة الكلية هم كل من : "عاطف.ك"، رئيس قسم توقيع الدمغات وعضو اللجنة الفنية لفحص الأحراز بمصلحة دمغ المصوغات والموازين، وميشيل.ز.ج، جواهرجى وصاحب ورشة دمغ مصوغات في حارة اليهود، وأبانوب.ج.ز، وسيط الرشوة، ومينا.ك، وسيط رشوة، وممدوح.ع، مدير وشريك بشركة لتشغيل المعادن الثمينة، ونعيم.ع.ج، صائغ ذهب".
