صلاح جاهين يحتفل بليلة رأس السنة على طريقته

ويسكى، براندى، نبيذ، كونياك، بيرة، فودكا
عرقى، مريسه، أرمينياك.. هنا وهناك
صين، مصر، إيطاليا، أمريكا... تشا تشا تشا، تانجو، مازوركا
أفريقيا بترقص دلوكة وسامبا... روسيا بترقص بولكا
إحنا بنرقص بلدى ودبكة... طراطير وشرايط ورق أصفر وأزرق وأخضر
ووشوش خنازير وملايكة وجن أحمر...
اللى بيضحك وبيسكر.. واللى بيبكى وبيفكر
لكن كله أؤكد لك ياعزيزي بيستنظر.. شيء واحد واحد بعام مش عارف كام
إنما ياسلام بقى بعد الطراطير والبكا والرومبا
لو هذا العام اللى إحنا بنستناه ماحضرش.. كدا انضربت كذا بومبة