قراء «فيتو» يطالبون برحيل «البدري» لخروج الأهلي من البطولة العربية.. أحمد: مدرب مغرور.. بوريو: الرياضة كدة.. عمر: هيطلع من أبطال أفريقيا.. صلاح: هيرحل.. وهريدي: ماشية معاه بالبركة

تفاعل عدد كبير من نشطاء موقع التواصل الاجتماعي "فيس بوك"، مع استطلاع صفحة موقع "فيتو"، وشاركوا بتوقعاتهم عن رحيل حسام البدري عن تدريب الأهلي بعد الخروج من البطولة العربية، والبعض طالب برحيل البدري، من خلال هاشتاج دشنوه لذلك.

مدرب مغرور
قال أحمد عبد العزيز: "مدرب مغرور... ماسك فرقة بتكسب لوحدها طول عمرها بس لما ييجي مدرب بيستهبل لازم نخسر.. قال هريح الأساسيين وسافر هو كندا.. رجع قالك هكمل ورجع الأساسيين.. أربع ماتشات لعب فيهم ٢٣ لاعب.. لازم كان وجود قايمة للاعيبة هيا بس اللي هتلعب البطولة ٢٥ لاعب بس.. يبقى الكل عارف اللي هيلعب واللي مش هيلعب... فبلاش هري كتير ونقول حظ وحكم ونعمل زي البوابين... أنا مش مدرب.. بس الكورة مش أسامي تنزل تلعب وخلاص. عاشور وفتحي... أسبوع إجازة نسيو الكورة... والتغييرات حاجة تكسف... الشيخ والسعيد... واحد راجع من جواز.. والتاني راجع من فسحة في ألمانيا.. إيه دة... ماله أكرم توفيق.. حسين السيد.. إسلام محارب ولو كنا خسرنا يبقى عملنا الصح.. ممكن بس المساك جنب ربيعة هو المشكلة.. ودي كان حلها أول البطولة أطلع ناشىء يلعب.. عيب...".

هارد لك
وأضاف أحمد بوريو: "الرياضة كدة يا جماعة معلش.. يلا هاردلك للأهلي وبالتوفيق للزمالك في النهائي إن شاء الله".

وعلق محمد شُكر: "مدرب ياخد الدوري ويلعب موسم كامل بدون هزيمة وبيلعب في دوري الأبطال الأفريقي وواصل لدور الثمانية كل دة وحضرتك لسة مش شايف"..

ورد عمر سليمان: "متستعجلش بس هيطلع من أبطال أفريقيا وهيمشي لأن من أول ما مسك الأهلي وأنا شايف الأهلي كبير عليه.. ارحل يا بدري"، وتابع أحمد مكي "يا ريت يمشي والله".

فرصة الزمالك
وقال كريم صايم: "لا طبعا الحاج طاهر هيستني دة يخرجنا من أفريقيا والكأس وبعد كدة يمشي"، وأضاف وحيد رمضان "ليييه يا عمي.. أمال احنا الزمالك ولا إيه".

ماشية بالبركة
وعلق أحمد هريدي: "من قبل البطولة العربية الجميع ﻻ يختلف في مستوى البدري المتدني مدرب مغرور وﻻ يصلح لتدريب النادي الأهلي وماشية معاه بالبركة بمساعدة باقي فرق الدوري لتدني مستواها وأي مواجهة عربية أو أفريقية يظهر المستوى الحقيقي للأهلي وللبدري الفاشل وجهازه الفني البطيخ وياريت.. هو واللي معاه كفاية عليهم كدة...".

ورد محمد حسن سالم: "البدري مدرب كبير ونتيجة مباراة ليست نهاية العالم".

ماتش الترجي
وتابع صلاح يحيى: "بص هو ماشي ماشي ليه بقى علشان ماتش الترجي استكمال لتضحية لعيبة رجالة قدام.. المدرب هتبان قووووي اختياراته للعيبة ومراكزها معلش ما هو فاهم إنه كسبان الدوري إنه كدة جنيس زمنه، ٣ لعيبة سعرهم قد فرق كتير في الدوري دة فاكره الدوري الإنجليزي".