بالفيديو.. عمرو أديب: «خالد حنفي طلع براءة»
علق الإعلامي عمرو أديب، عن تبرئة الدكتور خالد حنفى وزير التموين الأسبق، من اتهامه من قبل جهاز الكسب غير المشروع، باستغلال النفوذ وتضخم ثروته، قائلا: «هو مين كان المجرم لما خالد حنفي حصل على البراءة، والمجتمع المصري بقى كياد ومفهوش رحمة».
وقال خلال برنامج «كل يوم» المذاع على فضائية «أون إي»: «في مصر عندما يتم اتهامك، الأضواء كلها تتسلط عليك، وعندما تحصل على البراءة يتم دفن الخبر في أي مكان كدة وخلاص، وده مبقاش ينفع، دي ناس عندها عائلات».
وأضاف: «الراجل اللى طلع براءة ده دلوقتي هنعمله إيه، وبعد إيه؟! سنة؟!، ده إحنا لو بنراجع ميزانية دولة كنا خلصناها قبل كدة»، موضحا: «خالد حنفى طلع براءة، وخرج من منصبه بسبب كل الكلام اللي اتقال عليه، ومخدش ولا مليم ومن أي أحد».
وكان جهاز الكسب غير المشروع قد برأ الدكتور خالد حنفى وزير التموين السابق من اتهامه باستغلال نفوذه وتضخم ثروته، إبان توليه مسئولية وزارة التموين.
