عمرو أديب: «مرسي مشي عشان فتح الفرن قبل البطاطس ما تستوي»

علق الإعلامي عمرو أديب، على تغريدة للدكتور محمد الجوادي، مستشار المعزول محمد مرسي، زعم فيها وجود شبه بين النظام وانتهاء تسوية البطاطس واللحم أثناء الطهو، ساخرًا: "اللي يفهم معنى التويتة يكسب معانا مسابقة بـ100 جنيه".

وأبدي أديب، خلال تقديمه برنامج "كل يوم"، المذاع على فضائية "أون إي"، اليوم الأربعاء، اندهاشه من تغريدة الجوادي لكونه كان في يوم من الأيام مستشار الرئيس وأن يصل تفكيره لهذا الحد المتدني في عالم سياسة البطاطس، مردفًا: "انتوا عارفين مرسي مشي ليه.. علشان فتح الفرن قبل البطاطس ما تستوي.. إسرائيل بتكسب علشان عندنا ناس زي الجوادي".

وتابع أديب ساخرا: "ولا يوم من أيامك يا مرسي كنت مهنينا بطاطس ولحمة وطماطم وعباقرة"، مكملًا: "الدكتور الجوادي ده أكيد مستشار مرسي في كيفية عمل البطاطس".