شامي المصري يوجه الشكر للتوءم بعد رفض إنبي مد إعارته
وجه محمد الشامي، لاعب نادي المصري القادم من نادي إنبي، الشكر للجهاز الفني بقيادة حسام حسن ولجماهير بورسعيد بعد رفض النادي البترولي مد إعارة اللاعب للنادي البورسعيدي.
وكان نادي إنبي قد رفض العرض المقدم من نظيره المصري بمد إعارة الثنائي محمد الشامي وعبد الله جمعة خلال الموسم القادم بعد ظهورهما بشكل جيد مع المصري خلال الدور الثاني بالدوري الممتاز، ورغبتهما في البقاء بصفوف الفريق البورسعيدي.
وقال اللاعب عبر حسابه الشخصي بموقع التواصل الاجتماعي فيس بوك: "أولا أنا بشكر كل الناس اللي وقفت جانبي وشجعتني أني ألعب في ناد كبير وجماهير محترمة ومجنونة باسم نادي المصري البورسعيدي،، وبشكر الناس اللي عمالة تبعتلي ف حاجات وزعلانين أني ماشي من المصري، والله أنا كمان زعلان جدًا بس مش بأيدي، أنا قضيت في المصري أجمل أيام في حياتي بره الملعب وجوه وعرفت يعني أي جمهور بيحب وبيشجع فريقه وبشكر زملائي في الفريق اللي كانوا يساعدوني في الملعب أني أظهر بشكل كويس أنا واثق إنهم هيعملوا حاجه كويسه إن شاء الله في كأس مصر ويقدروا يوصلوا النهائي"..
وتابع:"كان نفسي أكمل معاهم وأكون في الملعب الموسم القادم بس النصي.. أخيرا بشكر الجهاز الفني اللي له الفضل عليا بعد ربنا سبحانه وتعالى من أول عمي حسين لحد عمي وعم الناس العميد حسام حسن أحسن مدير فني أنا شايف من وجهت نظري في مصر".
واختتم كلامه: "شكرًا لحبكم لي ودعمكم وتشجيعكم وثقتكم في الملعب".
