مدرب الإنتاج يهاجم وائل جمعة بعد صمته على شتيمة البدري في «بين سبورت»
انتقد مجدي عبد العاطي، مدرب الإنتاج الحربي، موقف وائل جمعة نجم الأهلي السابق والمحلل بقناة بي إن سبورت القطرية، تجاه ما حدث من انتقاد حاد لحسام البدري المدير الفني للنادي الأهلي.
وكان البدري رفض حضور المؤتمر الصحفي الذي سبق مباراة فريقه والوداد المغربي بدوري أبطال أفريقيا لوجود قناة بي إن سبورت تنفيذا لقرار مجلس الإدارة لمقاطعة القناة بسبب تجميد العلاقات مع قطر.
ونشر "مجدي" عبر حسابه الشخصي بموقع التواصل الاجتماعي "فيس بوك" معلقا: "مفهمتش صمت وائل جمعة ومذيع بي إن سبورت بيوصف كابتن حسام البدري بالجهل وهو قاعد ولا فارق معاه اللي بيتقال وكمان بيقول اعتقد إدارة الأهلي هي اللي قالتله يعمل كده الحقيقة هي مش إدارة الأهلي هو مصر كلها".
وتابع: "أنا معنديش مشكلة إنك تفضل تشتغل في قناة مملوكة لبلد، بلدك لديها مشكلات معاها ده قرار شخصي وكل واحد أدرى بظروفه ومقدرش ألومك على ده لكن لما تبقي موجود في ستوديو مدربك السابق ومدرب النادي اللي عمل اسمك وأنت حملت شارة الكابتن فيه حد يبقى بيغلط فيه وأنت قاعد ومتردش وكمان تدلو بدلوك، دي اللي كانت مفاجأة بالنسبة لي وسقطة كبيرة في حقك وحق النادي عليك".
