بالفيديو.. مي عمر: محمد سامي سبب دخولي التمثيل
قالت الفنانة مي عمر، إنها حاولت احتراف الإخراج وقرأت كتبًا في ذلك المجال لكنها لم تجد نفسها فيه واكتشفت أن شغفها الأساسي هو التمثيل.
وتابعت: "وصلت لأني حقيقي بحب التمثيل وقلت لو مشكلة الخجل دي هي اللي هتمنعني هحاول أكسرها".
وأوضحت خلال لقائها ببرنامج "معكم" مع الإعلامية منى الشاذلي، أنها عشقت التمثيل أثناء دراستها؛ لكن أول خطوة حقيقية اتخذتها في ذلك المجال تمت بعد زواجها، وذكرت أنها كانت ناجحة في مجال العمل بالإعلانات لكنها لم تكن تشعر بالسعادة رغم النجاح.
وقالت إنها صارحت زوجها بذلك، مضيفة: "قلت له أنا مش مبسوطة وعندي اكتئاب لأني عمالة بحقق ومش ده اللي عايزاه وقلت له بحب التمثيل بس عارفة إنك مش هتوافق".
وأضافت: "قال لي ليه مش هوافق إنتي زيك زيي ولو عندك طموح وبإيدي أساعدك هساعدك".
واعترفت مي بأن محمد سامي هو صاحب الفضل عليها، مضيفة: "لولاه مكنتش هدخل التمثيل فعلًا ومش طبيعي أن جوزي يبقى مخرج وأروح لمخرج تاني أقول له لو سمحت طلعني ومش شايفة ده غلط وهو إداني أول خطوة وأنا لو كويسة هكمل ولو مش كويسة مش هكمل".
