مصطفى الرومانتي يكتب: يا أمي

عن الأم اللى شّقيانّة
وتعبانّة على عيالها
وحضنّها جنة وسعادة
وأموِت نفسي في زعلها..
عن الأم اللي بتطبطب
وبتطيب بخاطري كتير
ومهما جرحت إحساسها
بيهلكها القلق بضمير..
وجودها..
فـي قلبي.. يعني حياة
دي علشانها بشوف الخير
ولو غابت ساعات عالبيت
باموت نفسي مـ التفكير..
يا أمي بجد سامحيني
ومهما أنا هَحكي وهَفسر
عن الدنيا اللي واخداني
فاأنا مقصر.. ومتأثر..
يا أمي أنا ماشي بدعاكي
ياريت سامحيني عالتقصير
لا هعرف أوفي يوم حقك
عشان حقك بجد كـبـيـر
تعبتي ليالي علشاني 
بتدي ولسه ما ارتاحتيش
ولسه بتدي.. وبتدي
ومهما بتدي ما تمليش..
إيديكي اتكرمشت بدري
عشان تحمي كفوف أيدي
ونظرك اللي فجأة ضعف

عشان سهرانة بتقيدي..

- ليال مضلمة فيا
- وبتمديني بالقوة
- وصبرك كان أمان ليا
- بيسند قلبي من جوا
يا أمي..
الوصف فيكي يطول
ومهما كتبت ما هكفي
يا أمي..
انتي ضي ملاك
في عز البرد بتدفي..
يا أمي يا حتة مــ الجنة
يا جنة في شكل إنسية
بحبك حُب لو هاوصِف
بنسبة 1000 % ❤ !