بالصور.. أصحاب محال الدواجن: «حالنا واقف وراقبوا أصحاب المزارع»

ظلت مصر لسنوات طويلة، لديها فائضا من إنتاج الدواجن والبيض؛ ليستخدمها المواطن محدود الدخل، بديلا عن اللحوم، ولكن مؤخرا اختلف الوضع، وانضمت الدواجن إلى قائمة أطعمة الأغنياء، بعد أن وصل كيلو الدواجن البلدي إلى 35 جنيها، والدواجن البيضاء إلى 30 جنيها، وسط وقوف الدولة مكتوفة اليدين، أمام القفزات المستمرة في أسعار الدواجن.

وتحركت عدسة «فيتو» لتسأل أصحاب محال الدواجن، عن أسباب الزيادة المستمرة في أسعار الدواجن، وجاءت الإجابات كالتالي:

ومن جانبه، قال «أبو سمير» صاحب محل دواجن بالدقي: «جايبين الفراخ بـ 28 جنيها من المزارع، وبنبيعها للزبون ب30 جنيها، وبعدين طلعت مرة واحدة.. الزباين بيقولوا دي غالية، وهنعمل إضراب عن الفراخ؛ علشان غالية».

وأضاف: «لما بنروح المزارع بنقولهم ليه بتبيعوا غالي؟ يقولك العلف والأدوية والنور والعمالة والغاز غاليين».

وأكد محمد إمام، صاحب محل دواجن: «إحنا بنجيبها من المزرعة بـ28، وبنبيعها بـ32، إحنا بنحاول ناخد أقل نسبة علشان الجو يمشي»، مضيفا: «بيقولولي العلف زاد، والذنب ذنب بتوع المزارع، المفروض الرقابة تكون على بتوع المزارع».

وأوضح تاجر آخر: «كل يوم بسعر شكل، مرة السعر يطلع، ومرة ينزل، والنهارده لما أجيب قفص غالي، هابيعه بكام؟!!.. زمان كنت باخد عشرة أقفاص، النهارده بجيب أربعة أو خمسة؛ لأن الفراخ لما بتقعد بتخس.. يعني كده خسارة وكده خسارة، حتى لو العلف غالي، ميوصلش لكده أبدا.. ده وقف حال لينا وللمستهلك».