السيسي: «اعرفوا حجم مشكلتكم وإحنا داخلين بدراعتنا وهنحقق آمالنا»
طالب الرئيس عبد الفتاح السيسي المصريين بعدم عقد أي مقارنة بين مصر وأي دولة أخرى، قائلا: «المقارنة مش لصالحنا؛ لأن الدول التانية معاها، وإحنا مش معانا، ومواردنا غير كافية».
وأضاف، خلال جلسة نقاش، مع مجموعة من شباب صعيد مصر، بمؤتمرهم الوطني بأسوان: إن موارد الدولة لا تفي باحتياجات تنفيذ خطط التنمية الاقتصادية. متابعا: «لكن إحنا هيبقى معانا، وماشيين في السكة، وكلامي مش معنوي، لكن هيبقى حقيقة، بس الأول اعرفوا حجم مشكلتكم، إحنا داخلين بدراعتنا، وهنحقق آمالنا».
وردا على أحد الشباب الموجودين، والذي قال: إن المواطن يحتاج إلى 100 ألف جنيه كدخل سنوي. علق الرئيس قائلا: «100 ألف مش كتير، بس لو ضربناهم في 92 مليون مواطن، هتبقى صعبة؛ لأننا ممعناش».
