سعد الصغير ينشر صورة من «أيام الكحرتة» تضامنا مع تامر حسنى
أعلن الفنان سعد الصغير تضامنه مع الفنان تامر حسني، بعد موجة الهجوم والسخرية من صورة تداولها مستخدمو مواقع التواصل الاجتماعي له من التسعينيات قبل الشهرة.
وقال سعد الصغير عبر صفحته بموقع "فيس بوك": "بعد إذن حضرتكم ممكن تشوفو الكلام ده كويس وياريت للآخر، اليومين دول شايف كفنان متابع كل ما هو جديد على ناس بتتريق على صوره الفنان المحترم تامر حسني، المشكله مش هكلم علشان تامر بس، المشكله نفسي كل واحد يعرف الفنان أو أي حد تعب في المجال بتاعه لي حد لما بقا فنان ومشهور عمل أي في حياته من وهو صغير".
ونشر "الصغير"، صورة له وعلق عليها قائلا: "يعني أنا في الصورة دي من وأنا صغير وكنت شابا لسه ولا أقدر اتكسف أنزلها ولا أي حاجة وأنت يالي بتتريق شوف نفسك مش من وأنت صغير شوف من كام سنة شكلك كان عامل إزاي ودلوقتي في اختلاف كبير إزاي، نركز شويه بقا في الكلام إلى جاي أقسم بالله أنا اشتغلت كل شغلانة في الدنيا حضرتكم تتخيلوها وكل فنان محترم أكترهم كانوا كدا علشان يوصلوا للي هما في دلوقتي من تعب تحت الصفر إلى حد ماعمل نفسه بنفسه علشان كان حلم من وانت صغير بتحبه ونفسك لو توصل بس لو حاجة منه".
وأضاف: أنا عن نفسي والله تعبت أوي أوي ونفس النظام حصلي في سنه من السنوات صورة ليا أنا وأمي بناكل زي أي حد وكتبوا سعد الصغير وهو فقير، الفقر لا يمكن يكون عيبا أو أي حاجة بالعكس بيصنع رجال في يقدار يعتمد على نفسه في حياته الشخصية والمسئولية، اسأل نفسك لاعيب كرة القدم من عرق ومن شمس بتتعبوا ومن تمارين واسأل نفسك من فنان سهران طول الليل وتصوير وتعبان علشان أكل العيش في الآخر ويصنع نفسه ويبقى مشهور، لو سمحت يا ريت قبل ما نتريق شوف ده بقى أي وأنت أي مع احترامي للجميع شكر".
