زينة لـ«عز» بعد رفض طلبه بمنع سفر توأمها للخارج: كفياك شر

وجهت الفنانة "زينة"، رسالة شديدة اللهجة للفنان أحمد عز بعد رفض الطلب المقدم منه بمنع توأمها "عز الدين" و"زين الدين" من السفر إلى الخارج، ووضعهما على قوائم الممنوعين من السفر.

وقالت "زينة"، عبر حسابها الشخصى بموقع "إنستجرام"، مساء اليوم: "يعني لا طلبت تشوفهم والحمد لله طبعا دي نعمة، وعاوز تمنعنا من السفر، ما تسبنا في حالنا وخليك في اللي أنت فيه، كفياك شر بقي وانعدام، ولا بلاش مش هاغلط فيك علشان ولادك، كفاية أذى في طفلين كل ذنبهم إنك أبوهما، ولو أنك كنت فرحان أول ماعرفت أن هايجيلك ولاد، ياريتك كنت واضح وكنت قلت إنك هاتعمل فينا كده ليه كذبت من الأول، بطل تأذينا وخليك في فنك وأفلامك ومعجباتك اللي أنت عارفهم ودنيتك يا فنان يا موهوب ياللي بتخر موهبة، وسيبني أفضى من المحاكم علشان أربيلك ولادك الحلوين أوووووي، يا نجم نجوم العالم، حسبي الله ونعم الوكيل".

وكانت محكمة أسرة مدينة نصر، قضت برفض الطلب المقدم من الفنان أحمد عز، لمنع توأم الفنانة زينة "عز الدين" و"زين الدين" من السفر إلى الخارج، ووضعهما على قوائم الممنوعين من السفر.