القبض على «رجب» يشعل مواقع التواصل الاجتماعي.. «محمدي»: «بيشتغل في مقهى أسوان بالكوربة ورقص في كليب بشرة خير».. «يونس»: «خد كيلو السكر بـ١٠٠ جنيه ومحضر هدي
تفاجأ عدد كبير من رواد مقهي أسوان بميدان الكوربة بمصر الجديدة بخبر القبض على "رجب" العامل بالمقهي، والسبب يرجع إلى أنه ذهب لشراء 10 كيلو سكر للمقهي، فما كان من الشرطة إلا أن قبضت عليه، وحررت له محضر وتم إخلاء سبيله بكفالة 1000 جنيه.
ونشر نشطاء مواقع التواصل الاجتماعي "فيس بوك وتويتر" صورة رجب، معبرين عن دهشتهم من القبض عليه، لافتين إلى أنه ظهر في كليب بشرة خير وكان يرقص.
وترصد « فيتو» ردود أفعال نشطاء مواقع التواصل الاجتماعي حول الواقعة:
بيشتغل بمقهي أسوان
قال محمدي محمد: "رجب مواطن مصري لو انت من سكان مصر الجديدة وخصوصا الكروبة أكيد هتعرفه لأنه بيشتغل في قهوة أسوان، رجب راح يشتري للقهوة بكتة سكر يعني ١٠ أكياس ظابط داخلية مسكه وعمله محضر اتجار في سلع تموينية وأتعرض على نيابة مصر الجديدة وخد إخلاء سبيل بكفالة ١٠٠٠ جنيه رجب من الناس اللي طلعت رقصت في كليب أغنية بشرة خير ودي صورته".
وأضافت روفيدة أحمد البسيوني: "ياه... أنا عارفاه كان كل شوية يجيلنا ويألش ويمشي ليه كدة يا رجب أروح الكافيه إزاى كده"، وعلق أحمد شاهين: "رجب ده حبييييببي يا جدعان..ده أنا مربيه".
ورد أيمن إسماعيل أحمد: "أوعي تبطل رقص يا رجب انت واللي زيك.. عشان عارف آخرتها إيه" .
محضر هدية
وتابع د. محمد يونس: "لا تكن مثل رجب. رجب اتعمل له محضر وتم إخلاء سبيله بـ١٠٠٠ جنيه، كده كيلو السكر بـ١٠٠ جنيه ومحضر هدية... أي خدمة"، وقال باسم سامح: "هو لو فعلا رجب هو اللي كان ممسوك يبقى مصر دي أكتر بلد Ironic في التاريخ".
وأضاف أحمد وحيد: "رجب ده الله يمسيه بالخير ويفك سجنة ياما أخد مني في الحساب على قهوة أسوان.. الحرية لرجب"، وعلق محمود الشهابي: "القهوجي اللي اتمسك عشان معاه ١٠كيلو سكر.. كان ف أغنية بشرة خير بيرقص.. قصة قصيرة يصحبها ضحك للركب".
وتابع محمد إبراهيم: "متهرجوش دي الحتة الوحيدة اللي كنت برقص عليها ف الأغنية.. مين اللي هيرقصنا تاني ياعم رجب"، ورد مناع أبو يوسف: "رجب شغال في قهوة في ميدان الكوربة وطلع يجيب ١٠ كيلو سكر للقهوة واتقبض عليه بتهمة الاتجار في السكر وخرج بكفالة ألف جنيه.. كان بيرقص في كليب بشرة خير.. هتكتب بكرة بشروطك وقوم نادي ع الصعيدي".
