بالصور.. «أنا خريج توك توك» قصيدة لـ«ثابت مصطفى»
طرح الشاعر الشاب ثابت مصطفى، قصيدة بعنوان «أنا خريج توك توك»، عبر صفحته الشخصية على موقع التواصل الاجتماعي «فيس بوك»، وذلك عقب الأحداث الأخيرة .
وجاءت كلمات القصيدة كالتالى: « أنا خريج توك توك ياليثى، كل همى اكفى بيتى، لقمة اجيبها للعيال، كل حلمى مصر بلدى ترجع، اشوفها زى زمان، كل يوم اشوف بعينى، وسط زحمة بتلقينى.مش تحت قبة في البرلمان، أيوه أنا خريج تكاتك، عمرى كله عيشته ساكت، لو بس ممكن لحظة اتكلم معاك، شوف ياليثى... كلمة أقولها زى غيرى، مش عاجبنا حالها مصر، بالله عليك ده يرضى مين، مش عميل، ولا عمرى كنت خاين، ولا بايع ولا ناكر للجميل، يرضى مين.. هي دي بلدنا مصر..ايه بيحصل قول ياليثى، مش ح اعيب أبدا في جيشى، غصب عنى مش بكيفى، سيف ودرع، شجرة طارحة، كل بيت وليها فرع، إيه بيحصل قول ياليثى، ولا، نسكت منتكلمش نخرس، ونندفن من غير مانعرف، الضمير لو حتى مات، الحقيقه لابد توصل، للتاريخ شاهد عيان، كل حاجة راح تبان، أيوه أنا خريج توكتوك ياليثى، كلمة أقولها وقت ضيقى، هي دي بلدنا مصر، كل عصر وليه أوان، لسه فاكر لما كانت، تحت إمرتنا السودان، شوفى ياليثى، مصر رايحة لما تيجى، التاريخ راح يسجل مين ساعتها كان رئيسى، منقدرش ننكر يوم يااسيسى، لو مكنش في شىء بأيدى، التاريخ عنك ح يكتب، مستحيل علينا يكدب، في ظل حكمك التاريخ لو جيه يحاكمك، مش ح ينسى، وقت عيشنا في الأمان، كلمة أقولها وقت ضيقى، وسط ناس كل يوم بيكون طريقى، مش تحت قبة برلمان، أيوه أنا خريج، توكتوك ياليثى، كل همى اكفى بيتى، لقمة أجييها للعيال، كل حلمى مصر بلدى ترجع أشوفها زى زمان».
الجدير بالذكر أن مصطفى عبد العظيم أو كما عُرف في مواقع التواصل الاجتماعي بـ«سائق التوك توك»، كان حديث مواقع التواصل الاجتماعي بعد أن لخص حال الشعب المصري في دقيقة واحدة أثناء تسجيله مع برنامج واحد مع الناس.
شاهد:
بالفيديو.. شقيق سائق التوك توك يكشف حقيقة انتمائه للإخوان
شاهد ايضًا:
بالفيديو.. حقيقة اختفاء سائق التوك توك
