حسن كامي: «صوتي كان وحش زي بياعين الجرايد»
روى الفنان حسن كامي مشواره الفنى من كلية الحقوق لدار الأوبرا، قائلا: «كنت هتجنن وأغني في الأوبرا علشان شوفت فيلم كاروزو العظيم اللي بيحكي عن مغني أوبرا الإيطالي اللي اسمه إنريكو كاروزو وبهرني وقولت لازم أكون كاروزو مصر».
وقال خلال حواره مع الإعلاميات مفيدة شيحة ومنى عبد الغني وسهير جودة وريهام إبراهيم وجيهان عبد الله في برنامج «الستات ما يعرفوش يكدبوا» المذاع على فضائية «cbc»: «في الأول كان صوتي وحش شبه بتوع الجاز أو بياعين الجرايد ولما روحت للأوبرا واترفضت من معلمتي اللي كان ابنها بيدرس معايا في مدارس الجيزويت، ورجعت تاني اتقبلت لما كان سني 17 سنة بشرط أغني في الفصل بس».
وتابع: «عندما بلغت 21 عاما قادتني مدرستي إلى دار الأوبرا لكي أقوم باختبار استماع».
