بالفيديو.. إبراهيم حسن يهاجم «شوبير»: «ماشبعتش سواد وغل وجمع فلوس»
![فيتو](images/no.jpg)
شنّ الكابتن إبراهيم حسن، مدير الكرة بالنادي المصري، هجومًا حادًا على أحد اللاعبين السابقين، قائلًا: «أنت ماشبعتش سواد وغل وجمع فلوس.. فيه ناس الشيطان راكبهم وشكلهم بقى وحش».
وقال في مداخلة هاتفية لبرنامج «الكابتن» تقديم الإعلامي، خالد الغندور المذاع على فضائية «العاصمة»،:«هل يجوز أن يعتدي لاعب على ناقد رياضي، ويضربه على الهواء أمام الناس.. ده يا كابتن خالد هيفضل يقفز من قناة إلى قناة.. بقوله أهدى شوية يا أخى الناس بتموت».
وأضاف حسن: «الشخصية دي يا ما وقعت في مواقف صعبة جدًا، ومنها أحد الأشخاص قعده في البيت ولبسه الطرحة، والراجل اللي بيذيع الكلام ده لازم يوقف عند حده.. الشخص ده لعب على كبر، وتاريخه كله عندي، وكان بيقولوا له يا خالتي بمبه، ومكنش ليه لازمة..أهدى بقي يا أخي»، في إشارة من إبراهيم حسن إلى واقعة تعدي الكابتن أحمد شوبير، على المعلق الرياضي أحمد الطيب، في برنامج العاشرة مساء.