بالفيديو.. سيدة من تل العقارب: «الناس بتتفرج علينا واحنا نايمين»
صرخت سيدة من أهالي تل العقارب المتجمهرين أمام مجلس الوزراء، منذ قليل، مطالبة بإعادتهم إلى منازلهم.
وصاحت قائلة: "احنا مش عايزين شقق إحنا عايزين بيوتنا اللى خرجتونا منها، مارحناش للحي قولناله عايزين شقق أنتم اللى قولتوا لهم عايزين نطور العشوائيات، لكن مطورتوناش ده انتم جرجرتونا ومرمطتونا".
وتابعت: "الحيوان بره بيتعامل معاملة البني آدمين، لكن هنا الإنسان ما بيتعاملش حتى معاملة الحيوانات.. الناس بتتفرج علينا واحنا نايمين ترضوها على عيالكم..حسبي الله ونعم الوكيل".
ونظم عدد من أهالي منطقة تل العقارب بحي السيدة زينب، منذ قليل، وقفة احتجاجية، أمام مجلس الوزراء، للمطالبة بتوفير مساكن بديلة لهم بعد أن تم مصادرة منازلهم.
وردد المواطنون المحتجون أمام "الوزراء" عددا من الهتافات مثل: "واحد اتنين رئيس الوزرا فين"، "انزل يا سيسي طردونا وانت رئيسى"، "خدوا بيوتنا ورمونا"، و"مش عايزين ملايين عايزين سكن جديد".
