بالفيديو.. مواطنون عن «القيمة المضافة»: ياريت الحكومة تحس بينا.. هيسبب غضب الناس.. إحنا بنستحمل بس لينا آخر.. مفيش شغل فهنجيب منين.. الغلابة هيموتوا.. مش عارفين نشتري لحمة.. اللي البرلمان بي
ما زال مجلس النواب يواصل مناقشته لقانون القيمة المضافة، المقدم من قبل حكومة المهندس شريف إسماعيل، حيث وافق أعضاء البرلمان بشكل مبدئي على القانون، إلا أن تحديد قيمة الضريبة تظل محل خلاف بين أعضاء البرلمان من ناحية وبين الحكومة من ناحية أخرى، حيث تتمسك الحكومة بفرض ضريبة مضافة بقيمة 14% بينما تباينت آراء أعضاء البرلمان بين 11% أو 12 % كنسبة للضريبة.
رأي المواطنين
في ظل خلاف مؤسسات الدولة حول قيمة الضريبة المضافة، نزلت عدسة "فيتو" إلى الشارع لاستطلاع آراء المواطنين حول مدى قبولهم للقانون الجديد.
استغلال التجار
قالت أم سلمى: "الأسعار غليت والتجار بيستغلوا ده وبيضيفوا من عندهم أكتر، فالناس دلوقتي بتتخلى عن الحاجات الضرورية بسبب غلو سعرها فياريت الحكومة تحس بالناس شوية ويكون فيه رقابة على التجار".
غضب الناس
وأضاف سامي: "غلو الأسعار هيسبب غضب الناس عليهم، لأن الناس على اد مبتستحمل بيبقى ليها آخر"، مطالبًا الحكومة بضبط الرواتب لتتماشى مع الأسعار المرتفعة للسلع الأساسية ومتطلبات الحياة من مأكل ومشرب ودواء وسكن.
"مفيش شغل"
وعلقت أم محمد، قائلة: "الأسعار غليت جدا وزادت بطريقة صعبة، والمفروض يقللوا في الأسعار شوية علشان مفيش شغل، فالناس هتجيب منين".
"الغلابة هيموتوا"
وقالت أم مريم: "مينفعش يغلو الأسعار تاني لأن الغلابة كده هيموتوا، ده إحنا مبنعرفش نجيب حتى كيلو لحمة"، وعلق أدهم قائلًا: "مناقشة البرلمان للقيمة المضافة للسلع اسمه تهريج، مش معقول الغلابة هيعيشوا إزاي، ولازم يتم تخفيض الأسعار وتكون في حدود المتوسط".
