بالفيديو.. مقترح زيادة سنوات الدراسة بطب لـ 10 أعوام يثير استياء الطلاب

اقترح النائب إيليا باسيلي أثناء اجتماع لجنة الصحة بالبرلمان أن تكون مدة الدراسة في كليات الطب البشري 10 سنوات بدلا من 7 سنوات، مبررا ذلك بإتاحة الفرصة كاملة للطالب، حتى يتمكن من تحصيل أكبر قدر ممكن من الخبرة في مجال الطب، ولكن هذا الاقتراح قد يلقي رفضا كبيرا من قبل الطلاب بسبب طول المدة الدراسية.

حرصت "فيتو" على استطلاع آراء الطلاب حول مقترح زيادة عدد سنوات الدراسة بكليات طب إلي 10 سنوات، وكانت ردود الطلاب كالتالي:

قال ريمون: " لو هيبقي 7 سنين بكالوريوس و3 سنين ماجستير فده كويس لكن معتقدش أن القرار هيكون كده، وأحب اقول للنائب إن في حاجات أهم يشغلوا بالهم بيها".

وأضاف أحمد: " كفاية 7 سنين والمفروض يقللوها مش يزودوها وإحنا هنطلع بعد العشر سنين مش هنتعلم حاجة".

وتابع أيمن قائلا: " كتير طبعا يعني هيبقي 10 سنين كلية وثلاثة سنين جيش و3 ماجستير لا كفاية 3 سنين ناخد فكرة وأربع سنين نتخصص فيهم".

وقالت مارينا: "مش موافقة عشان إحنا مفروض نركز على العملي اكتر من النظري ولما نقعد 10 سنين نظري مش هنلحق نأخد عملي".

واختتمت يوستينا: " القرار مش مدروس أصلا لكن لو هنطلع بعد 10 سنين ونلاقي شغل بسرعة، ونكون زي برة يبقى ماشي، وأقول للنائب تعالي جرب وادرس في الكلية سنة واحدة وانت هتقلل السنين مش هتزودها".