إزاي تختار؟ أصلها مش جوازة والسلام
معلومات سريعة عن نسب الطلاق في مصر قبل أن أبدأ مقالي، ففي سنة 2015 بلغت الأرقام: حالة طلاق كل 6 دقائق، بنسبة 40%، جاءت كالتالي: 13% أول سنة زواج، 36% من سنتين إلى 3 سنوات زواج، 18% من 4 إلى 6 سنوات، 19% من 7 إلى 10 سنوات زواج، 15% أكثر من 10 سنوات.
يا ترى البيوت زاد فيها نسبة الطلاق ليه؟ طب هل في إمكانية أن إحنا نصلح بيوتنا من جديد؟ دوَّرت على حل أو لسه بتفكر ومتردد أحب أقولك متترددش.
هناك بعض الأمسيات والندوات والكورسات التي تساعد الشخص على فهم طبيعة الطرف الآخر، حيث هناك رحلة للزواج بداية من اختيار شريك الحياة ومشكلات الجواز وتعلم قواعد الحوار بين الأزواج، فعلينا أن نتعلم كيفية التعامل مع تلك المشكلات، لأن الحكاية "مش جوازة والسلام".
فضفضة عن مشكلة من مشكلات الزواج من الممكن أن يراها الناس مشكلة بسيطة، وآخرون يتأملونها بشكل خطير، خاصة صاحب المشكلة.. سأروي واقعة حدثت مع أحد أصدقائي، هي كانت أقوى منها وحلتها، مشكلتها بالنسبة لها هي أقوى من أي حد بالرغم من أن مشكلتها اتحلت واتخلصت منها بس هي عاوزة تعرف إجابة سؤال واحد بس: ليه؟
القصة إنها اتجوزت واحد زي كتير من جوازتنا عمومًا، وحصل مشكلات فيها زي كتير من البيوت، تطورت المشكلات لشتيمة وإهانة وضرب، مقدرتش تستحمل زي ناس كتير، مقدرتش بس هي اختارت الطلاق ومخافتش منه، وكالعادة الزوج رفض وأهلها بردو رفضوا قررت ترفع قضية خلع، رفعت القضية وكسبتها، وأخيرًا تخلصت منه، الغريبة إنه بدأ يتحسن بعدها، كلها كام شهر ومات، كان نفسها تسأله سؤال: ليه كنت بتهينِّي وبتضربني؟ ليه بعد الخُلع اتحسنت مع الولاد؟ ليه مفضلتش وحش لغاية ما مُت؟ نفسها تسأله السؤال ده وبس، هي لغاية النهاردة بتخاف منه، وكرهت الزواج بسببه.
ده أكتر سؤال يؤرق الناس، ليه بتعملوا فينا كده؟ أغلب حتى الأغاني الحزينة والأشعار الحزينة والبوستات الحزينة بتحكي عن نفس الموضوع، ليه؟ وتظل الإجابة معلقة في سماء الغرفة، ويظل السؤال لا يأتي إلا عند النوم.
ده أكتر سؤال يؤرق الناس، ليه بتعملوا فينا كده؟ أغلب حتى الأغاني الحزينة والأشعار الحزينة والبوستات الحزينة بتحكي عن نفس الموضوع، ليه؟ وتظل الإجابة معلقة في سماء الغرفة، ويظل السؤال لا يأتي إلا عند النوم.
