بالصور.. رواد«فيس بوك» يرفعون شعار «لا للشبكة الذهب» والفتيات يؤيدن.. فرج: الجواز لمن استطاع إليه سبيلا.. ابتهال: الدهب منظرة مش اكتر..شفيق: كده الفضة هتغلى.. وروز: مش عايزة غير دب
أثار "إيفينت" تحت عنوان "مش عاوزة شبكة دهب الفضة أحلى" ضجة عبر موقع التواصل الإجتماعى "فيس بوك"، والذي يطرح فكرة الاستغناء عن الذهب كشبكة في ظل الارتفاع الجنونى في أسعاره، وحاز الإيفينت على عدد كبير من المؤيدين إلى جانب معارضة البعض للفكرة.
ووصل عدد المشاركين إلى 61 ألف شخص حتى الآن، وكانت الآراء كالتالى:
قال محمد شوقى: "على فكرة مفيش واحدة ممكن تتنازل عن الدهب عشان سعادتك -كل الحكاية إحنا عاملين الايفنت ده لطرح المشكلة بيننا ووضع حلول عملية مش اكتر."
- بلاها شبكة
أضاف عمر: "وفضة ليه ما بلاها شبكه من الأساس" وعلق حمدى أحمد قائلا:- "الدهب هيرخصك القرآن هيحفظك"، وقال محمد فرج: "الجواز لمن استطاع اليه سبيلا فقط في مصر".
وأعلنت ابتهال صبحى عن رأيها قائلة:"عامة يعني الدهب العريس بيجيبه عشان يبيعه بعد 3 أو 4 سنين جواز بحجة أنه أفلس، وبيتجاب منظرة مش اكتر".
- الحل في إيد الأهل
وأضاف مختار بن محمد: " والله أنا شايف أن الموضوع في إيد العروسة وأهلها، يعني مثلا لو هم شايفين أن الشخص ده مناسب لبنتهم وهى راضية بيه وحالته المادية إلى حد ما كويسة ومعاه شقة وماكنش عنده مانع كان يجيب دهب لو الدهب رخيص شوية يبقى تمام ليه لا، هم بتوع قنا متأخرين عننا لا طبعا ناس بتفهم بييسروا أمور الزواج."
وأضاف أحمد: " اللى هيتجوز من غير دهب يتجوز من غير شقة الجواز مش بالساهل المبدأ واحد"، وتابع أحمد الأباصيرى:" هيفضل سقف أحلامكم يقل يقل لحد ما تبقى أقصى أمانيكوا أن العريس يحضر الفرح بس".
وقالت سما: "ممكن اقبلها هدية في عيد ميلادى بس" وعلق أحمد شفيق: "كده الفضة هتغلى، وقالت روز: ياجدعان مش عايزة شبكة أصلا، بس خلوا أبويا يوافق على كده وأمي ترضي بكده، وربنا ماعايزة غير دبلة بس".
