الحريري: «مش عايزين حاجة من الحكومة ربنا يكفينا شرها»

واصل النائب هيثم الحريرى، هجومه ضد الحكومة، قائلا في كلمته باجتماع لجنة القوى العاملة المنعقد الآن، بحضور وزيرى المالية والتضامن الاجتماعى لمناقشة زيادة المعاشات: "معروف أنى ضد الحكومة وبرنامجها، وأثمن قرار رئيس الجمهورية الخاص بزيادة المعاشات".

ووجه "الحريرى" حديثه للوزيرين: "الناس مش عايزة من الحكومة زيادة ولا مليم بس مترفعوش الأسعار، وخفوا الضغوط على المواطن وفى الحالة دي مش هيحتاج زيادات، مردفا: «مش عايزين حاجة من الحكومة، ربنا يكفينا شرها»..

وتابع: "مع احترامى للوزراء مسمعناش أفكار، هم جايين يقنعونا باللى رفضه المجلس إمبارح وهو زيادة المعاشات 10%، ولكن المجلس صوت بالموافقة على الزيادة 15%، عرفونا إيه أفكاركم للزيادة".

وأضاف: عايزين الدعم يروح لمستحقيه، والحكومة مش عارفة تعمل ده علشان مش عارفة تعمل قاعدة البيانات، عايزين نربط الوزارات لأنه يوفر كتير للدولة، وهناك فرق بين الرغبة والقدرة، متابعا: لوعندكم الرغبة نحققهالكم ولو مش عندكم القدرة مش عايز اتكلم علشان محدش يقول بيزايد"..