قصيدة «رابط حزام الأمل» لـ «صابر الجمل»
رابط حزام الأمل حوالين وسطي
ومهما بشوف منك عمري ما هحكي
ومهما تعانديني لايمكن هروح واشكي
هشهر سلاح الصبر يا دنيا قدامك
ومش هقبلك سيد ولا هبقى خدامك
ولا هقف ذليل يوم على بابك
وهغزل أغاني العشق دروع هتحميني
ولا أقول لك لا هغزل دورع
ولا حتى هشهر سيف
أطلب حمايه ليه والرب حاميني
وناصرني وجابرني وكارمني وهاديني
واشقى في هواكي ليه
والراحه مرتاحه جوه كتاب ديني
في الأمل تراتيل وغناوي
فيه الحل بس فين الهاوي
هفتحه تاني وأملا قلبي منه
واستغنى بيه عن كلام المداحين
وأبطل أحلم بساقية الصاوي
