"كنتاكى" يرفض التعيين فى "الشورى"
![فيتو](images/no.jpg)
فى قعدة صفا بين الرئيس محمد مرسى ونسيبه أحمد فهمى، رئيس مجلس الشورى، رصد محرر هريدى نيوز هذا الحوار الودى، حيث دار الحوار همسا على النحو التالى:
سأل فهمى الرئيس: يا ريس ليه عينت فلول فى مجلس الشورى؟
الرئيس: ويعنى كان حد فهمنى إن دول فلول
فهمى: يا ريس الشارع بيغلي وحضرتك قصدي مكتب الإرشاد حاطط مادة عزل سياسى وتيجى حضرتك تعين ناس منهم فى الشورى؟
الرئيس: مين اللى قالك إن أنا عينتهم.. أنا مضيت على الكشف بس
فهمى: يعنى ياريس حضرتك ماعينتش ولا واحد من التسعين؟
الرئيس: أنا عينت واحد بس
فهمى : مين؟
الرئيس: محمد مؤمن
فهمى: ليه عينت ده تحديدا؟
الرئيس: عشان ده صاحب مطاعم مؤمن وهينفعنا فى الأكل.. انت سيد العارفين يافهمى إن رجالتنا بيحبوا الأكل وبصراحة أنا عرضت التعيين على كنتاكى لكنه رفض.
فهمى: ليه رفض؟
الرئيس: كنتاكى قال النواب هيشحتونى .. بياكله كتيييييييييييييييييييييييير !!