«علموني يا حبيتي» قصيدة لـ«صابر الجمل»

علموني يا حبيبتي
وفهموني يا حياتي
من وأنا لسه في مهدي
من وأنا لسه بتاتي

إن الحب عيب ولازم
تقفل عليك منه بابك
وخلّي دا هو التحدي
خلّي دا دايمًا قصادك

واوعَى يوم قلبك يدق
وان دق قلّه بلاش يا قلبي
هتوديني لسكة صعبة
ومش هلاقي حد جنبي

ولما شفتك يا حياتي
وشفت عينك بتناديني
نسيت جرحي وآهاتي
وقلت لعينك زيديني

ولقيت نفسي في قربك
وانتي برده كمان لاقيتي
مش عيب إني أحبك
ما انتي خلاص بقيتي بيتي