منى الشرقاوي مذيعة أثارت الأزمة بين «ميسي» والمصريين.. خالد: بطاطين خيري رمضان و«جزمة الأرجنتيني» أسوأ مشهدين.. هند: «اتعلمي من المذيعات المحترفات».. هيثم: «لو بنشتغ
![فيتو](images/no.jpg)
عبَّر نشطاء مواقع التواصل الاجتماعي "فيس بوك وتويتر" عن غضبهم من المذيعة منى الشرقاوي، التي استضافت الأرجنتيني "ميسي"، لاعب برشلونة، في برنامج "أنا مشهور"، بعد أن أعلن إهداء حذائه لفقراء مصر.
وأكد النشطاء أن الخطأ لم يكن على اللاعب "ميسي"، ولكن خطأ المذيعة التي أمسكت الحذاء بسعادة، معلنة عن تبرعه بحذائه لأعمال الخير بمصر، مما تسبب في أزمة بين ميسي والمصريين.
أسوأ مشهد
وقال خالد إريكسون: "أسوأ مشهدين في تاريخ مصر.. مشهد خيري رمضان وهو فرحان بالتسول وماسك البطاطين و.... بقه وبيقول البطاطين وصلت يا رجالة، ومشهد منى الشرقاوي وهي حاضنة جزمة ميسي وفرحانة قوي، كان ناقص تقوم تبوسه علشان تعبر عن شكرها وامتنانها بجزمته".
وأضاف مصطفى فريدوم: "منى الشرقاوي مذيعة حذاء ميسي"، وعلق الشيخ علي الأزهري: "ومع قناة mbc ومع الـ... منى الشرقاوي يعلن... ميسي التبرع بجزمته لمصر... العيب مش على ميسي.. العيب على الـ... المذيعة، واللي خارجة تقول عادي مفيش مشكلة.. وده أصلا مخطط للقضاء على الكرامة، بعدما قضوا على المكانة... فلا مكانة لنا ولا كرامة".
وتابع محمد ياسين حجازي: "العيب مش على... ميسي العيب على المذيعة... منى الشرقاوي اللي فرحانة قوي بجزمة ميسي".
«المفروض تذاكري»
وقالت هند سعد: "منى الشرقاوي.. كان المفروض تروحي تذاكري وتتفرجي على كل المذيعات اللي عملوا لقاءات مع نجوم عالميين سواء قدام أو جداد.. روحي اتفرجي على راية أبي راشد وهي قاعدة مع نيكول كيدمان ولا توم كروز ولا غيرهم كتير.. أنا من قبل حلقة الجزمة دي وأنا بقول إنك غير جديرة بتقديم البرنامج ده".
وأضاف هيثم عبيد: "مع يقيني بأن منى الشرقاوي شخصية هانم بمعنى الكلمة.. لأن لو احنا بنشتغل بضمير مكناش هنروح لجزمة ميسي".
وتابع حازم حسن: "حوار منى الشرقاوي مع ميسي من أضعف الحوارات اللي شفتها في حياتي... وليه أتفرج على واحدة بتقول لميسي هناكل الحلويات مع بعض وتيتا كانت بتحبك وبتقول لبابا خلي بالك من ميسي"، وعلقت شيري لاشين: "منى الشرقاوي عايزة الضرب بالـ...".
«هاتي الجزمة»
وقال محمد السعودي: "السؤال بقى هل الجزمة اتباعت لصالح الأعمال الخيرية ولا الأستاذة منى الشرقاوي أخدتها لنفسها وبتلبسها وهيه رايحة تتمرن في الچيم؟"، وأضاف أحمد سامح: "والله لو من ميسي أكلم منى الشرقاوي أقولها هاتي الجزمة".
وعلقت نورا نور: "منى الشرقاوي اللي عملت حوار مع ميسي وعادل إمام تبقى زوجة يوسف معاطي... طول ما فيه واسطة في الإعلام عمرنا ما هنفلح وهيتريقوا علينا".
وتابع رجل القوس: "المهم منظر منى الشرقاوي وهي ماسكة جزمة ميسي بسعادة كده كان مستفز. وبتقول ميسي اتبرع بجزمته.. هي دي الإهانة بقى.. متسيبيها ع الأرض واتكلمي بوجوم".