إبراهيم سعيد مهددا زوجته شهد: «هوصل الموضوع لأمن الدولة»
تصاعدت وتيرة الخلاف بين إبراهيم سعيد، المدير الفنى لنادي جولدي، وزوجته الثالثة شهد عبد الله، بعد استيلائها على الشقة، بسبب زواجه من غيرها.
وهدد إبراهيم زوجته شهد بأنه سيوصل الأمر للأمن الوطنى، وأنه لن يسكت، مؤكدًا أن شقته محل النزاع اشتراها من معمار المرشدي وليس من شخص بعينه.
وكتب إبراهيم سعيد تغريدة على تويتر قال فيها: "هوصل الموضوع لأمن الدولة بإذن الله مش هسكت -إيه عايشين في بلطجة".
وقال أحد متابعيه ياسر محمد "في حلقة مفقودة يانجم ابحث عنها؛ لأن صعب اللى بيحصل ده والحكومة ساكتة صدقني".
ورد إبراهيم سعيد "ماهي الأستاذة بتقول لصحابها، إنها على اتصال بوزير الداخلية، وإنى مش هعرف أدخل البيت وفلوسي مش هترجع".
وأضاف: "بس ماأعتقدش يعني الكلام ده مظبوط إنه هيوافق على البلطجة بالشكل ده ليه في غابة حضرتك".
وتابع "أكيد مش هصدق الكلام ده إحنا في مصر مش في غابة ومصر مش بلطجة"
واستطرد: "أنا مش بلطجي وهاخد حقي بإذن الله متقلقش والبلد دي هتنضف" وقال "إذا فضحهم الله أمامك وأسقط قناعهم الواحد تلو الآخر.. فاعلم أن الله يحبك"
وعندما سألته هدي لطفي: "اللي دخل شقتك جايب ورق مزور ومرتب نفسه والقانون للأسف بيقول يبقي الوضع عليه حتى تثبت أنت العكس ده شغل واحد قانوني".
ورد إبراهيم سعيد "أنا شاريها من شركة معمار المرشدي يعني مش من واحد يعني ماينفعش التزوير".
