باسم يوسف متضامنا مع «أبو تريكة»: «بيدفع تمن قعاده في البلد»
أعلن الإعلامي الساخر باسم يوسف، مقدم برنامج «البرنامج» سابقًا، تضامنه مع محمد أبو تريكة لاعب الأهلي والمنتخب الوطني السابق، بعد قرار إحالته للنيابة بتهمة الانضمام لجماعة الإخوان الإرهابية وتمويلها.
ونشر «يوسف»، عبر صفحته الرسمية بموقع التواصل الاجتماعى «فيس بوك»، مساء اليوم، مجموعة من أهداف «أبو تريكة»، وعلق عليها قائلا: «ردا على سؤال في آخر لقاء تليفزيوني "ليه ما قعدتش في البلد دي زي أبو تريكة؟" قلت إني بأحييه على شجاعته بس أنا ما أقدرش أخاطر وأعرض أهلي للخطر.. ناس زايدت وقالت إن أنا ببالغ وبهوّل».
وأضاف الإعلامي الساخر: «أبو تريكة بيدفع تمن قعاده في البلد.. النهاردة اتحول للنيابة بتهمة تمويل جماعة إرهابية.. تهمة جاهزة ومحفوظة.. أبو تريكة ما عملش حاجة غير أنه كان بيفرحنا كل مرة بيلمس فيها الكورة.. وبرة الملعب وموقفه بعد مذبحة بورسعيد كان أكتر من محترم.. ربنا يكون في عونه ويخفف عليه هو وكل اللي متاخدين ظلم.. بالنسبة للتعليقات بقى بتاعة أنه راجل وأنت جبان وهربت وكده.. لو أنت مش قاعد بتكتب التعليق ده من جوه زنزانة في سجن العقرب يبقى يا ريت تخلي شجاعتك المزعومة دي لنفسك».
يذكر أن محمد أبو الفتوح، أمين عام لجنة التحفظ على أموال جماعة الإخوان، أكد أن اللجنة قررت إحالة لاعب النادي الأهلي السابق، محمد أبو تريكة، و1364 آخرين للنيابة بتهمة الانتماء للإخوان.
