علم صح (2)
المقال اللي فات كنت تكلمت عن تجاربي السابقة مع بعض المدرسين من أول ابتدائي ولحد الثانوية العامة ويجعل كلامنا خفيف عليهم.
ناوي النهاردة أبدأ معاك عزيزي/تي القارئ/ة في سلسلة مقالات يمكن تفيدك -إن شاء الله- لو أنت محاضر أو مدرب أو معلم وده طبعًا.
1-أبعد عن الرغي:
بعض المدرسين بحسهم فاكرين نفسهم كابتن ماجد ويفضلوا يطولوا في شرح معلومة ممكن توصل بأقل مجهود؛ يعني مثلًا معلومة زي الشمس بتشرق من الشرق ممكن أقولها وأقولك دليل يأكد المعلومة زي مثلًا أقول الشمس بتشرق من الشرق وده لأن حركة دوران الأرض من الغرب للشرق وأمثل الحركة دي قدام الطلبة وخلاص.
بس إزاي! مبقاش مدرس أو مدرب أو محاضر أصيل لو مشليتش اللي قاعدين قدامي وأنا بوصلهم المعلومة ونقعد نرغي فيها لحد بكرة الصبح زي كابتن ماجد لو بدأ في الهجمة في الحلقة الـ12 مستحيل يدخل الجون إلا في الحلقة الـ20.
وهنا بيتحول المدرس من شخص بيوصل معلومة لكابتن ماجد أو مسلسل من المسلسلات التركي لا وفي كمان اللي بيطول أكتر وبيقلب على المسلسلات الهندي.
2-أنت معلم:
هنا مقصدش سعد لمجرد خالص ولا جو أنت معلم وإحنا منك نتعلم لا أقصد خليك معلم وانت بتنقل للطالب المعلومة شوف الطالب أو المتلقي اللي قدامك بيفكر إزاي ودخله المعلومة من المدخل اللي بيحبه ودي هنتكلم عنها بالتفصيل الممل المقال الجاي.
3-إحنا عاوزين حد محل ثقة يا محيي:
هنا أقصد بمحل ثقة أنه يكون واثق من نفسه وهو بينقل المعلومة للمتلقي اللي قاعد قصاده؛ يبقى عارف أنه متمكن من طريقة شرحه ومن منهجه اللي بيشرحه فبيشرح وهو مرتاح نفسيًا وعارف كمان أن المتلقي بقى فاهم بنسبة 100% المعلومة اللي اتقالت.
4-إدي فرصة أنه يفكر:
من الأخطاء الشائعة اللي شوفتها مع مدرسين كتير أنه ممكن ميديش فرصة للمتلقي أنه يفكر اللي هو خد المعلومة وأسكت على عكس مدرسين من حظي الحلو أني بدرس على أيديهم السنة دي زي مثلًا مستر مصطفى فريد ييجي وقت النصوص من كتر ما المستر فهمنا الصور بتتكون إزاي المحسنات البديعية ألقطها إزاي ممكن الطالب يطلع الصور البلاغية أو المحسنات بسهولة بمجرد التفكير.
لازم تدي فرصة للمتلقي أنه يفكر ده هيخلق "جو" من المتعة بينك وبينه.
