حلم شيرين عبد الوهاب بالعنب يثير سخرية نشطاء مواقع التواصل الاجتماعي.. محمد: «هتاخد ولاية».. أشرف: «مكشوف عنها الحجاب».. أسامة: «التفسير تضرب بسياط السلطان».. عواد: «
أثار حلم الفنانة شيرين عبد الوهاب، حالة من السخرية والجدل بين نشطاء مواقع التواصل الاجتماعي "فيس بوك وتويتر".
وذكرت شيرين أنها حلمت بالرئيس عبد الفتاح السيسي، في منامها وكانت تجلس وسط مجموعة من الأشخاص، قائلة: "شفت الرئيس السيسي في منامي بيأكلني عنب، لكنه كان بينقط عسل أبيض"، من خلال برومو حلقة برنامج "العاشرة مساء" على شاشة "دريم"، ما جعل النشطاء يتفاعلون معها وسخر بعضهم، فيما حاول آخرون تقديم تفسيرا للحلم.
ولاية
وقال محمد علاء الدين: "ناس كتير مستغربة حلم شيرين عن السيسي والعنب والعسل سايل على فمي والكلام ده.. ع العموم الكلام ده جاي من ثقافة فيها في تفسير الأحلام لابن سيرين أن اللي يشوف في حلمه الخليفة يبقى ح ياخد ولاية".
وأضاف إسلام سعيد، أن "شيرين حلمت أن السيسي بيأكلنا عنب نازل منه عسل أبيض. ده مش حلم ده فيلم.."
مكشوف عنها الحجاب
وعلق أشرف الصباغ: "على فكرة، المطربة شيرين عبد الوهاب مكشوف عنها الحجاب، واللي شافته في المنام مش حلم، دا رؤية من رؤى أولياء الله الصالحين، بس يا ريت والنبي تبقي تشوفي لنا في الحلم اللي جاي، كان عنب إيه ده اللي بينزِّل عسل أبيض".
وانتقدت هاجر ردود فعل نشطاء فيس بوك، قائلة: "يارب يموتوا كل اللي عاملين فلته ويتريقوا على حلم شيرين، يعني شيرين بكل شيء تنتقدوها وتسبو وتشتمو فيها، حتى الحلم حلم يا إخوان خاشين فيه تريقه كمان ؟!! الله ياخدكم طيب".
وسخرت زينب عادل "مصطفى بكرى ردا على حلم شيرين، أنا حلمت بالرئيس بيأكلنى العسل اللى نزل من العنب اللى كلته شيرين!!!".
«الفنانين بيأكلوا الشهد»
وقال خالد عواد "مش فاهم ليه الهجوم على شيرين بسبب حلم العنب اللي نازل منه عسل أبيض اللي السيسي بيأكله لهم؟! ماهو فعلًا الفنانين اللي زي شيرين بيأكلوا الشهد."
وتابع عمرو بدوي "هو بالمناسبة أنا مش معترض على حلم شيرين بالسيسي اللي دخلها الجنة وأكلها عنب.. أنا خايف بس تكون فاهمة إنه هيعمل كدة في الواقع الحالي".
ورد ممدوح بشير: "أخبار بناتك المولدين في أمريكا ايه لاتتدعوا الوطنية وأنتم أبعد ما يكون عنها".
تضرب بالسياط
وفسر أسامة وحيد "ههههههه والله دة التفسير مش أنا..العنب الأسود رزق لا يبقى وقيل في وقته هم وفي غير وقته مرض وإذا كان مدلى فإنه يدل على الخوف الشديد ومن التقط العنب الأسود من باب السلطان وكان يعرف عدده فإنه يضرب بسياط".
وقال أدهم الشرقاوي: " هذا الحلم يدل على أن الخير قادم لمصر على يد الرئيس وتنتهى السنين العجاف قال تعالى في سوره يوسف، "ثم يأتي من بعد ذلك عام فيه يغاث الناس وفيه يعصرون" صدق الله العظيم..ادعوا الله أن يكون هذا العام والله أعلم".
وأضاف الصقر الجارح "ابقى اتغطى كويس.. الله يلعن عمليات التجميل اللي خلتكم تحسوا إنكم بني آدمين.."
وتابع مجدي عدلي: "العنب في المنام. نصرة ياأختي.. بس. العنب. كان أصفر ولا أحمر؟؟؟".
