طلاب «حلوان» يتداولون صورة لأكبر محاضرة في تاريخ الجامعة
تداول مستخدمو موقع التواصل الاجتماعى "فيس بوك"، من طلاب جامعة حلوان، صورة لامتلاء مدرج كلية التجارة وإدارة الأعمال بجامعة حلوان، بالطلاب خلال محاضرة لدكتور يدعي حسن معيد بكلية التجارة بحلوان.
وتظهر الصورة امتلاء المدرج عن آخره، لحضور "سيكشن" مادة المحاسبة لكلية التجارة شعبة الإنجليزى مع الدكتور حسن معيد المادة؛ حيث أشاد الطلاب بطريقة تدريسه وأداء دوره وواجبه بأمانة والتزامه، مؤكدين أنه يحضر السكشن جميع الطلاب.
وقال الطلاب: "دا دكتور حسن معيد في جامعة حلوان، معيد مادة المحاسبة لتجارة إنجليزى، ودي مش محاضرة لا والله دا أكبر سيكشن في تاريخ الجامعة يمكن 1500 طالب المدرج على آخره أهو، الراجل دا محترم وشايف شغله كويس والدليل الصورة أهو، الناس بتحضرله اللى معاه واللى مش معاه في السيكشن، أنه شغال بما يرضى الله".
وأضاف الطلاب: "ياريت كل الدكاترة يبقوا زى الدكتور حسن، مكنش التعليم باظ".
