بالصور.. أطرف ذكريات خريجى جامعة حلوان مع الدارسة

دشن خريجو جامعة حلوان هاشتاجا على موقع التواصل الاجتماعى "فيس بوك"، بعنوان "بالحب اتجمعنا"، لسرد ذكرياتهم خلال فترة الامتحانات والدراسة.

أجدع صحاب"
قالت موكا: "جامعة حلوان جميلة رغم الشمس الحامية والسلالم اللي مش عارفين أولها من آخرها بس الواحد اتعرف على أجدع صحاب".

سلالم البطريق
وأضافت جهاد محمد عن سلالم الجامعة قائلة: "عن سلالم البطريق وعن الشمس بتاعتها".

ذكريات مهببة
وقالت رحاب سمير: "ذكريات مهببة، كنت بكره بتوع الأمن جدا، والسلالم بتاعتها تستفز إللي مبيستفزش".

وأضافت رحاب: "علشان أروح من باب الجامعة للكلية محتاجة توكتوك يوديني، ولا الدكاترة إلى يجيبوا الضغط، والشمس مركزة أشعتها كلها ف الجامعة، ومكانش يعدى يوم إلا لما أتوه فيها".

ذكريات زبالة
وعلق محمد ربيع قائلًا: "ذكريات إيه يا جدعان، أفتكر إيه ولا إيه افتكر سلالم البطريق ولا المشوار من البوابة لكلية حاسبات باخد الجامعة من أولها لآخرها ولا الشمس ولا البرد ولا الدكاترة ولا المواد إلى اتشالت..إيه الذكريات الزبالة دي".

ذكريات سودة
فيما اكتفى محمد سمير توفيق بقوله: "ذكريات سودة".