بالصور.. أحلام الشباب تنطلق عبر «فنان مش مشهور».. نورا: «نفسي أشتغل في الكرتون».. خالد: «بمشي على الهواء».. طارق: «كل واحد شبح في مجاله».. دينا: «موهبتى ال
تفاعل مستخدمو موقع التواصل الاجتماعى «فيس بوك»، مع «الإيفينت» الجديد «فنان مش مشهور»، لدعم الفنانين المغمورين وغير المشهورين في مختلف المجالات الفنية والثقافية، ومن جانبها رصدت «فيتو» بعض المواهب.
«برسم مع نفسي»
في مجال الرسم قالت مريم عاطف: «أنا مريم ١٦ سنة موهبتى الرسم مش أمنيتى إنى أبقى مشهورة لكن إنى قدر أحقق حاجة في مجال الرسم.. اكتشفت موهبتى أمتى معرفش.. بس اللى أنا عارفاه إن أنا بحب الرسم.. بل أعشقه»، فيما قالت آلاء الزنفلى: « آلاء الزنفلي 19 سنة برسم، هو أنا لسه مبتدئة بس أهو بنحاول عمري ما خدت كورس ولا اتعلمت أي حاجة عن الرسم برسم مع نفسي كده».
وأضاف أحمد مجدى قائلا: «هوايتي الرسم بحب التشكيل والإبداع أنا سني 16 سنه نفسي أبقي فنان تشكيلي كبير زي بابلو بيكاسو وليوناردو دافنشي خالي دكتور في كلية تربية نوعية وبيشجعني دايما هو وبابا دايما بيشجعوني ومصرين يخلوني فنان كبير»، فيما قالت نورا شاهين: «الموهبة الرسم برسم من وأنا صغيرة ونفسي أشتغل في الكرتون في المستقبل».
«معنديش أي موهبة»
وأضافت دنيا جمال ساخرة: «هاي.. دنيا 18 سنة.. معنديش أي موهبة أنا جاية أتفرج بس باى»، فيما قالت دينا جمال: «هي جت عليا دينا محمد 19 سنة موهبتى الضحك كونوا مثل دينا»، وتابعت داليا مجدى قائلة: «أنا داليا 20 سنة بحب الرسم والتصوير جدا ودايما بحب أعرف تقنيات جديدة فيه دي لوحة عن كوم الدكة بالزيت».
وقال إسلام قاسم: «بحب صيد السمك ده نوع من أنواع الفن أيضًا»، فيما أضاف خالد زيدان: «خالد زيدان 21 سنة بطلع نار من بؤي وبمشي على الهواء وبلعب ببيض والحجر.. بخ»، وتابع طارق دهشان قائلا: «كل واحد شبح في مجاله»، وأضاف أسامة قائلا: «أسامة 21 سنة كلية تجارة جامعة المنوفية أنا بعرف الدف والله ياخوانا.. بس كدا حتى الدف معايا في الصورة كمان.. محدش عنده فرقة أشتغل معاها».
وكان نشطاء موقع التواصل الاجتماعي «فيس بوك» دشَّن «إيفينت» جديد، بعنوان «فنان مش مشهور»، لدعم الفنانين المغمورين وغير المشهورين في مختلف المجالات الفنية والثقافية، «رسم وتصوير وغناء وأدب وشعر وتمثيل وعزف وفيديو»، تحت عنوان «فلنجتمع معًا لهدف الفن»، وسوف يقام الحدث في 10 فبراير 2016.
