أطرف تعليقات «تويتر» على هزيمة الزمالك من الطلائع.. عمرو: «كل جبنة أريش وانسى اللى حصل من الجيش».. علاء: «قدر ولطف».. كوكا: «حرام ملحقوش يفرحوا فينا».. ومحمود:
سخر مستخدمو موقع التواصل الاجتماعى «تويتر»، من هزيمة الفريق الأول لكرة القدم بنادي الزمالك، أمام طلائع الجيش، بثلاثة أهداف مقابل هدفين، في المباراة التي أقيمت على ملعب ستاد الدفاع الجوي بالتجمع الخامس، ومن جانبها رصدت «فيتو» أطرف التعليقات.
«خسرتم 3»
قال مصطفى طلعت: «لا حول ولا قوة إلا بالله، اتريقتوا إننا اتغلبنا 3 خسرتم 3»، وأضافت رحمة سعيد: «كل عيش وانسى اللى حصل من طلائع الجيش»، وتابع عمر حسنى قائلا: «كل جبنة أريش وانسى اللى حصل من الجيش».
وغرد محمد محمود قائلا: «سخروا من هزيمة الأهلي أمام سموحة.. شاهد ماذا حدث اشرب حشيش وانسي اللي حصل من الجيش»، وقال علاء اللول: «يلا معلهش قدر ولطف»، وتابع محمد فرحات: «نداء إلى كل زملكاوي عمل نفسه صايع أحب أقوله مبروك التلاتة من الطلايع».
«هنكسب المؤجلات»
وأضافت كوكا: «ياحرام ملحقوش يفرحوا فينا.. وبيقولك حكام.. ده الحكم ناقص يديكو نص ساعة وقت بدل ضايع»، وأضاف محمود عبدالعزيز: «اللهم لا شماتة»، وتابع القرموطى قائلا: «انزل بشويش.. وانسي اللي حصل من الجيش».
وقال صابر الغمرى: «فين اللى كانوا بيقولو هنكسب المؤجلات ونتصدر أحب اقول صَدَر للى يقدر»، وأضافت هند السعيد قائلة: «أنا مش بحب أشمت في حد لكن اللي يجي على الأهلي عمره ما يكسب حفلتوا علينا يا زملكاوية والنهارده الدور عليكو في التحفيل».
وأعرب محمود عن حزنه قائلا: «أنا مش شايل هم للتلاتة بنط اللي طاروا أد ما شايل هم لتريقة الأهلاوية علينا»، وأضاف ونيس قائلا: «ربنا يديم نعمة باكيتا نعمة علينا كأهلاوية»، وأضاف سيف سيد: «التحفيل اللى حصل على الأهلي من الزملكاوية طول اليومين اللى فاتوا هيترد عليهم بس الضعف».
وكان الفريق الأول لكرة القدم بنادي الزمالك، تلقى هزيمة أمام طلائع الجيش، بثلاثة أهداف مقابل هدفين، في المباراة التي أقيمت على ملعب ستاد الدفاع الجوي بالتجمع الخامس، ضمن مباريات الأسبوع التاسع للدوري الممتاز.
