«لو أنا ساحر» يكشف أمنيات المصريين.. عمر: كنت هوصل مصر كأس العالم..بنت مصرية: هسخط شوية ناس قرود..أحمد: كنت لغيت مادة الفيزياء..شيكو: كنت سحرت جميع البنات الشمال «قرود» علشان يتلمو
دشن نشطاء تويتر هاشتاج "لو أنا ساحر"، الذي جذب عشرات المعلقين في تويتر، ليصل إلى تراند مصر في تويتر، وقد عبر النشطاء من خلاله عن الأمنيات التي يرغبون في تحقيقها في حياتهم، وقد حوي الهاشتاج على كثير من التعليقات الساخرة، التي دارت حول رغبة النشطاء في أن يقوموا بإخفاء أنفسهم لمعرفة ما يحدث دون أن يشاهدهم أحد، أو أن يسافروا حول العالم، ومعظم التعليقات كانت عن رغبة الطلاب في النجاح دون استذكار دروسهم.
كأس العالم
قال عمر عرفة: "لو أنا ساحر كنت هوصل مصر كأس العالم بدل ما مجدي عبد الغني عمال يذل فينا".
وأضاف جهاد عبد العزيز: "كنت عملت زى ساحرة الجنوب وجننت كل اللى مضايقنى لو أنا ساحر".
وعلقت أمنية: "لو أنا ساحر كنت جبتلي فيزا وألف الدنيا كلها".
وتابع جلجلي: "كنت رجعت نفسي طفلة تاني..زهقت.. لو أنا ساحر".
وقالت ميرا: "لو أنا ساحر كنت هنجح نفسى ف الثانوية العامة وأخلى صورتى قدام ماما طول الوقت إنى بذاكر بس تهيؤات طبعا دا لو بقى".
وأضاف محمود الموافي: "مكنتش هحضر أي محاضرات ولا امتحانات وكنت هطلع الأول برضه لو أنا ساحر".
وتابعت آيات عبد العزيز: "لو أنا ساحر كنت غيرت ناس كتير وعرفت قلوب ناس كتير".
وقال أحمد سعيد: "لو أنا ساحر كنت لغيت مادة الفيزياء".
شوية قرود
وأضافت بنت مصرية: "لو أنا ساحر هسخط شوية ناس قرود".
وعلق أحمد ربيع:"لو أنا ساحر كنت بهدلت الدنيا".
وسخر محمد: "لو أنا ساحر كنت هخفى الكُتب وأخش بيها اللجنة".
وقالت نمو لموضة: "لو أنا ساحر هجمع كل الشوكولاتات اللي في العالم وأخليها عندي وليا لوحدى".
وأضافت نيرمين لطيف: "لو أنا ساحر كنت هخلي الناس تحب بعضها".
وعلق شيكو: "لو أنا ساحر كنت سحرت جميع البنات الشمال قرود علشان يتلموا".
وأضاف محمود عبد الجواد: "لو أنا ساحر حقتل دكاترة الكلية".
وتابع باسل هشام: "لو أنا ساحر هخفي الناس اللى مش بحبها".
وسخر عبد الله مجدي: "لو أنا ساحر كنت خليت الدكاتره يدوني امتيازات...ده لو بقى بصوت محمد هنيدي".
وقالت سارة حليم: "لو أنا ساحر حطلب يكون عندي موهبة قراية أفكار الناس عشان أذل أصحابي".
أرتاح من شغل البيت
وأضاف حسام شوقي عامر: "لو أنا ساحر كنت هصعد بمصر للمونديال بس السحر حرام".
وقال محمد مدحت: "لو أنا ساحر هاقنع الحكومة أن مش كل ما بلوة تحصل الإجابة هتكون محمد منير أزمة مع الخليج.. محمد منير.. أزمة سياحة.. محمد منير.. أزمة دولار منير".
وأضافت نهى عبده: "لو أنا ساحر كنت هخفى نفسى علشان أنام براحتى وأرتاح من شغل البيت".
وتابعت آية البحراوي: "لو أنا ساحر كنت خليت نفسي أختفي وأكون شايفة الناس وهما مش شايفني وأعرف بقى كل حاجة مستخبية".
وقال كي ثروت: "لو أنا ساحر هسعد كل الناس اللي نحوا وأبسط الأطفال بجد أحسن حاجة أما تلاقي حد فرحان حواليك.. الواد بربش ف حارتنا واحد عامل فيها كبير كدا بعصايتي السحرية هقعد أضربه وأخوفه عشان معتش يرخم عليا تاني ذكريات الطفوولة".
وتابع دبل ماريو: "لو أنا ساحر كنت سبت الكوكب دا وروحت أعيش على كوكب تانى لوحدى وعملت لنفسى جو عيشة مناسب".
وعلقت سلمي: "كنت هخلي كل الناس تحبني وأبقى فيمص لو أنا ساحر".
