بيان رقم 2: مصر عزبة ونص
بعد لقائى مع الرئيس محمد مرسى _اللى مفروض لا أعلن عنه _ وبعد أن أصبح الرجل فى حما أبوطقة وبعد أن رمى بياضه بالسماح لفشارين مصر بتدشين حزبهم الجديد _ حزب خالف تُعرف _من هنا ومن درب الفشارين أعلن أنا عمكم "أبوطقة" وأدينى حاططها بين قوسين علشان اللى عنده كلمة يلمها أن مصر "عزبة" ونص .. وأحذر العيال اللى نازلين المظاهرات غدا الجمعة من أى تجاوز والذين يقولون إن "مصر مش عزبه".. لا يا سيدى أنت وهو عزبة وستين عزبة.. كما أعرفكم أننى نازل للميدان وفى حال أى احتكاكات مع شباب الإخوان ممن يصفون أنفسهم بالائتلافات الثورية سوف يحدث ما لا يحمد عقباه .. وكما اشترطت على مرسى أن يجنب العريان والبلتاجى عن الميدان طالما أنا فى الموضوع .. يعنى المعركة غدا ستكون معركة أبوطقة وأى عيل هيغلط فى الرئيس أو المرشد هيبقى غلط فى أبوطقة وقد أعزر من أنذر لأن السياسة صياعة والصياعة أدب .. مع تحيات جروب "درب الفشارين".. عنهم عمكم "أبوطقة"!!
