نشطاء «توتير» يسخرون من «طيار ديلي ميل».. هشام: الصاروخ كان حيصيبني ورب العرش نجاني.. ندي: الطيارة مكتوب عليها الحلوة دى مش جاية بالورث دى جاية بخلع الضرس.. زوربا: أي واحدة ترجع مش

حالة من السخرية انتابت نشطاء تويتر من المصريين، الذين دشنوا هاشتاج "طيار الديلي ميل" للتهكم على الطيار البريطاني، الذي زعم أنه تفادي صاروخ في الجو على ارتفاع 1000 قدم، عندما يطير فوق مصر في أغسطس الماضي، النشطاء استنكروا ما زعمه الطيار البريطاني، ساخرين من أن الطيار كتب على طائرته "الحلوة من لانكشير"، فيما أكد آخرون أن الطيار "عمل غرزة في الجو، أو أنه "هز ديل الطيارة والصاروخ عدي من جنبها".

الصاروخ كان حيصيبني

وقال هشام مقبل: "طيار الديلي ميل بعد كده يكتبوا على الطيارات البريطانية الصاروخ كان حيصيبني ورب العرش نجاني يا ناس يا شر كفاية أر الحلوة من لانكشير".

وسخر عنتيل النشطاء: "ماشي بالطياره لقيت إيه صاروخ جي من بعيد رحت لفف الطيارة وقولتله اضرب ياوله اضرب يا ايه اضرب ياوله ده انا جون ابن أم جون.. هل تعلم أن جون قائد الطياره كاتب عليها (ماتلعبش معايا العبد لله شاف الصاروخ تفاداه) غيه ده يا جون صااااااروخ لا متبلغش كده.. طيار الديلي ميل".

وتابع سيد خواجه: "طيار الديلي ميل وانا قاعد في الكابينة مولع سيجارة قوم إيه لقيت صاروخ داخل عليا رحت ضارب غطس لتحت وفاتح ع الرابع صحيت م النوم لقيتها عريانة".

وأضاف زوربا القناوي:"أي واحدة نفسها هتغم عليها وترجع على موكت الطيارة اقسم بالله ما هتفادي الصاروخ ونلبس كلنا.. طيار الديلي ميل".

وعلق محمد السقا: "طيار الديلي ميل لما حد يسأله انت اتعلمتها ازاى مهو من كتر القعدة في الطيارة الواحد ياكل ويعمل غرز مفيش حاجة غيرها".

وقال أحمد صلاح: "لقيت صاروخ قمت هزيت ديل الطياره كدهون والصاروخ عدي من جمبها فجاه لقيت غواصه.فتحت شباك الطياره وقولتله اضرب ياوله.. طيار الديلي ميل".

ريد بول

وأضاف فادي معلوم:"وعلي كده الطيار كان شارب ايه ؟؟! ريد بول ولا كمل بول.. طيار الديلي ميل".

وتابعت ندي هاني:"الطيار ده اكيد الطيارة بتاعته مكتوب عليها: الحلوة دى مش جاية بالورث دى جاية بخلع الضرس.. طيار الديلي ميل".

وقال محمد رمضان: "والله ما عارفين نودي جمايلك فين انت وبلدك بس ابقي خد الغرزة المرة الجاية على الواسع علشان رفرف الطيارة ميحكش في الصواريخ.. طيار الديلي ميل".

وعلق كريم كرسلب: "انا امبارح طلع لي اسد وانا طالع على السلم، بس الحمد الله تفاديته بمعجزه..طيار الديلي ميل".

وأضاف عادل أدهم: "طيار الديلي ميل كان بيلعب فيديو جيم كتير وهو صغير".

وتابعت هيا مصر: "طيار الديلي ميل أبو العربي بريطانيا وقرموطي العصر فشار أوي".

خمسات وشقلبظات

وقال سعيد بن سالم: "‏طيار الديلي ميل بص يا معلم أول ما شفت الصاروخ جاي يمتي رحت شهئت وعملت خمسات وشقلبظات وركنت ولما عدا الصاروخ شغلت وطلعت زمبئولك كدا".

وأضاف عبد الله عبد الله: " لقيت الصاروخ جاي من اليمين...قوم أنا أروح فين ؟! جيت واخده غرزه على اليمين...سهله اهيه.. طيار الديلي ميل".

وتابع محمد سمير:"بيقولك جون اكتشف أن الصاروخ في خاصية تتبع عوادم الطيارات قام مولع سيجارة بوكس ومطلع ايده من شباك الطياره ودوخ الصاروخ وراه.. طيار الديلي ميل".