«تويتر» يحتفل بـ«الدفعة الجديدة».. محمد هنيدي ينشر صورا من فيلم «صعيدي في الجامعة الأمريكية».. «فاروق»: «أول يوم في الجامعة مسرحية هزلية».. «دينا

دشن عدد من رواد موقع التواصل الاجتماعي «تويتر»، هاشتاج حول ذكريات أول يوم في الدراسة، حمل اسم «الدفعة الجديدة»، والذي شهد تفاعلًا كبيرًا من المغردين بعد فترة قليلة من تدشينه.

وشارك الفنان محمد هنيدي في الهاشتاج، من خلال نشر صورة له من فيلم صعيدي في الجامعة الأمريكية، وعلق عليها قائلًا: «يحدث الآن الدفعة الجديدة».. وسار على نهجه عدد من نشطاء تويتر بنشر صور لفنانين جسدوا أدوارا مشابهة في إشارة منهم إلى طبيعة ملابس طلبة الجامعات في أول أيام الدراسة.

تلوث بصري
فيما غردت «دينا» ساخرة من البنات اللواتى يرتدين السواريهات في الجامعة، قائلة: «الدفعة الجديدة السعيدة، السواريهات مش للكلية يا جماعة، ده تلوث بصري اللي بيحصل ده».. وجاءت تغريدة «عمار» لتقول: «فيه بت ف الدفعة الجديدة اتسيطت من بدري بسكرين شوت كده اسمها، الدفعة كلها هتعوز تصاحبها دلوقتي».

واعتبر أحمد فاروق أن أول يوم في الجامعة ما هو إلا فيلم سينمائى أو مسرحية هزلية أبطالها الدفعة الجديدة، والدفعات القديمة ما هم إلا الجمهور، وغرد «أحمد» قائلا: «لما حد من الدفعة الجديدة يسألني عن الكلية، أقولك عنها إيه ملهاش ميزة يخرب بيتها».

خلف الدهشوري
وأعرب «غونيمي»: «أنا نازل الجامعة حاسس إني أنا من الدفعة الجديدة، أنا شكلي يدي على سنة أولى، الدفعة الجديدة أشكالهم أكبر مننا».. وغرد «د. إتش»: «ونقلت مني المحاضرة يا خلف وقالتلي شكرا، وإحنا خارجين قالتلي لو سمحت عايزة أعدي».

وشاركت «يمنى» بتويتة قائلة: «لما حد من الدفعة الجديدة يسألنى عن الأماكن ببقى نفسى أقوله يا زين ما اخترت سميرة بهيج».. وغرد «محمود»: «مش كل سقوط نهاية، انت ممكن تسقط ف الكلية وتستنى الدفعه الجديدة وتبقى دي أجمل بداية».

مش هنخلص تحفيل
أما «درعمية» فقالت: «على أد ما مبسوطة إني خلصت ثانوية عامة، على مانا زعلانة على الدفعة الجديدة وصعبانين عليا أوي ربنا معاكو».. وقال «حسام»: «الواحد لو أخد فرصة واتساب ع بتوع الدفعة الجديدة مَش هيخلص من كتر التحفيل».